ᠡᠨᠡ ᠪᠣᠯ
ᠬᠡᠤᠬᠡᠳᠦᠨ ᠲᠥᠯᠦᠭᠡ ᠬᠡᠰᠡᠨ ᠬᠥᠮᠦᠨ ᠪᠦᠬᠦᠨᠦ ᠰᠡᠳᠭᠢᠯᠦᠨ ᠢᠯᠴᠢᠪᠡᠷ ᠪᠦᠳᠦᠭᠰᠡᠨ ᠨᠣᠮᠤ᠋ᠳ
ᠡᠨᠡ ᠪᠣᠯ
ᠬᠦᠰᠡᠯᠦᠨᠢᠶᠡᠨ ᠲᠥᠯᠦᠭᠡ ᠬᠡᠰᠡᠨ ᠬᠡᠤᠬᠡᠳ ᠪᠦᠬᠦᠨᠦ ᠮᠥᠷᠦᠭᠡᠳᠦᠯᠢᠶᠡᠷ ᠪᠦᠳᠦᠭᠰᠡᠨ ᠨᠣᠮᠤ᠋ᠳ
ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠤᠷᠢᠶᠡᠨᠡᠴᠡ ᠬᠡᠪᠯᠡᠭᠦᠯᠦᠭᠰᠡᠨ 《ᠮᠢᠨᠤ ᠬᠣᠷᠸᠠ · ᠠᠩᠬᠠ ᠳᠤᠮᠳᠠᠳᠤᠶᠢᠨ ᠰᠤᠷᠤᠭᠴᠢᠶᠢᠨ ᠨᠣᠮᠤᠨ ᠥᠷᠦᠭᠡ》 ᠬᠡᠮᠡᠬᠦ ᠴᠤᠪᠤᠷᠠᠯᠤᠨ ᠠᠷᠪᠠᠨ ᠳᠣᠯᠤᠭᠠᠨ ᠪᠣᠳᠢ ᠨᠣᠮᠨᠢ ᠣᠷᠴᠢᠮᠬᠠᠨ ᠬᠡᠪᠯᠡᠭᠳᠡᠵᠤ ᠤᠩᠱᠢᠭᠴᠢᠳᠲᠠᠢ ᠵᠣᠯᠭᠠᠯᠠ᠃ ᠥᠪᠤᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠢ ᠠᠩᠬᠠ ᠳᠤᠮᠳᠠᠳᠦᠶᠢᠨ ᠰᠤᠷᠤᠭᠴᠢᠳᠤᠨ ᠵᠣᠬᠢᠶᠠᠨ ᠪᠢᠴᠢᠯᠭᠡᠶᠢᠨ ᠤᠷᠠ ᠴᠢᠳᠠᠪᠤᠷᠢᠶᠢ ᠳᠡᠭᠡᠭᠱᠢᠯᠡᠭᠦᠯᠬᠦ ᠪᠠ ᠬᠢᠴᠢᠶᠠᠯᠤᠨ ᠭᠠᠳᠠᠨᠠᠬᠢ ᠤᠩᠱᠢᠯᠭᠠᠶᠢ ᠪᠠᠶᠠᠯᠢᠭᠵᠢᠭᠤᠯᠬᠤ ᠵᠣᠷᠢᠯᠭᠠᠪᠠᠷ 《ᠮᠢᠨᠤ ᠬᠣᠷᠸᠠ · ᠠᠩᠬᠠ ᠳᠤᠮᠳᠠᠳᠦᠶᠢᠨ ᠰᠤᠷᠤᠭᠴᠢᠶᠢᠨ ᠨᠣᠮᠤᠨ ᠥᠷᠦᠭᠡ》 ᠴᠤᠪᠤᠷᠠᠯ ᠨᠣᠮᠢ ᠰᠡᠳᠦᠨ ᠨᠠᠢᠷᠠᠭᠤᠯᠵᠤ ᠬᠡᠪᠯᠡᠭᠦᠯᠦᠨ ᠲᠠᠷᠬᠠᠭᠠᠵᠤ ᠪᠠᠢᠭᠠᠶᠤᠮ᠃ ᠲᠤᠰ ᠱᠢᠷᠢᠰ ᠨᠣᠮᠳᠤ 《ᠭᠠᠷᠠᠭᠤᠨ ᠴᠢᠯᠦᠭᠡᠨᠦ ᠤᠩᠱᠢᠯᠭᠠ》 ᠪᠠ 《ᠰᠤᠷᠤᠭᠴᠢᠶᠢᠨ ᠳᠦᠷᠢᠮᠴᠢ ᠵᠣᠬᠢᠶᠠᠯ》 ᠭᠡᠬᠦ ᠬᠤᠶᠠᠷ ᠴᠤᠪᠤᠷᠠᠯᠢ ᠪᠠᠭᠳᠠᠭᠠᠵᠠᠢ᠃
《ᠭᠠᠷᠠᠭᠤᠨ ᠴᠢᠯᠦᠭᠡᠨᠦ ᠤᠩᠱᠢᠯᠭᠠ》 ᠬᠡᠮᠡᠬᠦ ᠴᠤᠪᠤᠷᠠᠯᠳᠤ ᠨᠡᠢᠳᠠ 6 ᠳᠡᠪᠳᠡᠷ ᠨᠣᠮ ᠪᠤᠢ᠂ ᠲᠤᠰ ᠴᠤᠪᠤᠷᠠᠯᠢ ᠨᠠᠢᠷᠠᠭᠤᠯᠬᠤᠳᠤᠪᠠᠨ ᠠᠩᠬᠠ ᠨᠢᠭᠡᠡᠴᠡ ᠠᠩᠬᠠ ᠭᠤᠷᠪᠠ ᠬᠦᠷᠳᠡᠯᠡᠬᠢ ᠬᠤᠭᠤᠴᠠᠭᠠ ᠪᠦᠷᠢᠳᠦ ᠨᠢᠭᠡ ᠳᠡᠪᠲᠡᠷ ᠬᠠᠩᠭᠠᠬᠤᠶᠢ ᠵᠣᠷᠢᠵᠠᠢ᠃ ᠰᠣᠩᠭᠤᠭᠰᠠᠨ ᠵᠣᠬᠢᠶᠠᠯᠤᠨ ᠤᠷᠲᠦ ᠣᠬᠤᠷᠢᠨᠢ ᠦᠨᠳᠦᠰᠦᠯᠡᠵᠤ ᠬᠤᠭᠤᠴᠠᠭᠠ ᠪᠦᠷᠢᠶᠢᠨ ᠤᠩᠱᠢᠯᠭᠠᠶᠢ 11 ᠭᠠᠷᠠᠭᠢᠶᠠᠷ ᠠᠩᠭᠢᠯᠠᠵᠤ ᠨᠢᠭᠡᠴᠢᠯᠡᠭᠰᠡᠨ ᠪᠥᠭᠡᠳ ᠭᠠᠷᠠᠭ ᠪᠦᠷᠢᠶᠢᠨ ᠤᠩᠱᠢᠯᠭᠠᠳᠤ 2 ᠵᠣᠬᠢᠶᠠᠯ ᠲᠣᠬᠢᠷᠠᠭᠤᠯᠵᠠᠢ᠃ ᠡᠳᠡᠭᠡᠷ ᠵᠣᠬᠢᠶᠠᠯᠢ ᠰᠤᠩᠭᠤᠬᠤᠳᠤᠪᠠᠨ ᠠᠩᠬᠠ ᠳᠤᠮᠳᠠᠳᠦᠶᠢᠨ ᠰᠤᠷᠤᠭᠴᠢᠳᠤᠨ ᠨᠠᠰᠤᠨᠤ ᠣᠨᠴᠠᠯᠢᠭ ᠪᠠ ᠰᠡᠳᠭᠢᠭᠦᠢᠶᠢᠨ ᠪᠠᠢᠳᠠᠯᠳᠤ ᠵᠣᠬᠢᠴᠠᠭᠤᠯᠵᠤ᠂ ᠳᠡᠳᠡᠨᠦ ᠡᠬᠡ ᠬᠡᠯᠡᠨᠦ ᠪᠣᠯᠪᠠᠰᠤᠷᠠᠯᠢᠨᠢ ᠳᠡᠭᠡᠭᠱᠢᠯᠡᠭᠦᠯᠬᠦ ᠪᠠ ᠨᠣᠮ ᠤᠩᠱᠢᠬᠤ ᠳᠠᠳᠭᠠᠯᠢᠨᠢ ᠲᠥᠯᠦᠪᠱᠢᠭᠦᠯᠬᠦᠳᠦ ᠲᠤᠰᠠᠯᠠᠮᠵᠢ ᠪᠣᠯᠭᠠᠬᠤᠶᠢ ᠠᠩᠬᠠᠷᠤᠭᠰᠠᠨᠶᠤᠮ᠃
《ᠰᠤᠷᠤᠭᠴᠢᠶᠢᠨ ᠲᠦᠷᠢᠮᠴᠢ ᠵᠣᠬᠢᠶᠠᠯ》 ᠭᠡᠬᠦ ᠴᠤᠪᠤᠷᠠᠯᠨᠢ ᠬᠥᠯᠦᠨ ᠪᠤᠢᠷ᠂ ᠬᠢᠩᠭᠠᠨ᠂ ᠲᠦᠩᠯᠢᠶᠤᠣ᠂ ᠤᠯᠠᠭᠠᠨᠬᠠᠳᠠ᠂ ᠱᠢᠯᠢᠶᠢᠨ ᠭᠣᠤᠯ᠂ ᠤᠯᠠᠭᠠᠨᠴᠠᠪ᠂ ᠣᠷᠳᠤᠰ᠂ ᠠᠯᠠᠱᠠ᠂ ᠬᠥᠬᠡᠬᠤᠲᠠ᠂ ᠪᠤᠭᠤᠲᠦ᠂ ᠪᠠᠶᠠᠨᠨᠠᠭᠤᠷ ᠵᠡᠷᠭᠡ 11 ᠪᠣᠳᠢᠪᠠᠷ ᠪᠦᠷᠢᠯᠳᠤᠵᠤ᠂ ᠪᠣᠳᠢ ᠪᠦᠷᠢᠶᠢ ᠬᠥᠮᠦᠨᠢ ᠲᠡᠮᠳᠡᠭᠯᠡᠭᠰᠡᠨ ᠵᠣᠬᠢᠶᠠᠯ᠂ ᠬᠡᠷᠡᠭ ᠤᠴᠢᠷᠢ ᠲᠡᠮᠳᠡᠭᠯᠡᠭᠰᠡᠨ ᠵᠣᠬᠢᠶᠠᠯ᠂ ᠬᠡᠷᠡᠭ ᠪᠣᠳᠠᠰᠢ ᠲᠠᠢᠯᠪᠤᠷᠢᠯᠠᠭᠰᠠᠨ ᠵᠣᠬᠢᠶᠠᠯ᠂ ᠬᠡᠷᠡᠭ ᠣᠴᠢᠷᠢ ᠱᠢᠭᠦᠮᠵᠢᠯᠡᠭᠰᠡᠨ ᠵᠣᠬᠢᠶᠠᠯ᠂ ᠦᠵᠡᠮᠵᠢᠶᠢ ᠲᠦᠷᠰᠦᠯᠡᠭᠰᠡᠨ ᠵᠣᠬᠢᠶᠠᠯ᠂ ᠠᠮᠢᠳᠠᠨ ᠪᠣᠳᠠᠰᠢ ᠳᠦᠷᠰᠦᠯᠡᠭᠰᠡᠨ ᠵᠣᠬᠢᠶᠠᠯ᠂ ᠱᠢᠯᠦᠭ᠂ ᠶᠠᠷᠢᠶᠠ ᠢᠯᠡᠳᠭᠡᠯ ᠵᠡᠷᠭᠡᠪᠡᠷ ᠨᠢᠭᠡᠴᠢᠯᠡᠨ ᠨᠠᠢᠷᠠᠭᠤᠯᠤᠭᠰᠠᠨ ᠮᠦᠷᠳᠡᠭᠡᠨ ᠱᠢᠯᠢᠳᠡᠭ ᠪᠠᠭᠱᠢᠨᠠᠷᠢ ᠤᠷᠢᠵᠤ ᠰᠤᠷᠤᠭᠴᠢᠶᠢᠨ ᠵᠣᠬᠢᠶᠠᠯ ᠪᠣᠯᠭᠠᠨᠤ ᠬᠢᠨᠢ ᠠᠷᠦᠳᠦ ᠲᠣᠪᠴᠢ ᠦᠨᠡᠯᠡᠯᠳᠠ ᠪᠢᠴᠢᠭᠦᠯᠦᠭᠰᠡᠨᠢᠶᠡᠷᠢᠶᠡᠨ ᠣᠨᠴᠠᠯᠠᠭᠳᠠᠵᠤ ᠪᠤᠢ᠃
ᠡᠳᠡᠭᠡᠷ ᠨᠣᠮᠨᠢ ᠰᠤᠷᠤᠭᠴᠢᠳᠤᠨ ᠨᠣᠮ ᠤᠩᠱᠢᠬᠤ ᠳᠤᠷᠠ ᠰᠣᠨᠢᠷᠬᠠᠯᠢ ᠳᠡᠭᠡᠭᠱᠢᠯᠡᠭᠦᠯᠬᠦᠳᠦᠴᠦ ᠳᠤᠰᠠ ᠳᠡᠮ ᠪᠣᠯᠬᠤᠨᠢ ᠭᠠᠷᠴᠠᠭᠠᠦᠭᠡᠢᠶᠤᠮ᠃
ᠡᠨᠡᠬᠦ ᠴᠤᠪᠤᠷᠠᠯ ᠮᠠᠨᠢ ᠨᠣᠮᠳᠤ ᠳᠤᠷᠠᠳᠠᠢ ᠬᠡᠤᠬᠡᠳ ᠪᠦᠬᠦᠨᠦ ᠱᠢᠷᠡᠭᠡᠨᠦ ᠨᠣᠮ ᠪᠣᠯᠬᠤ ᠪᠠᠢᠬᠠ ᠭᠡᠳᠡᠭᠲᠦ ᠢᠳᠡᠭᠡᠵᠤ ᠪᠤᠢ᠃ ᠨᠣᠮᠤᠨ ᠴᠠᠭᠠᠨ ᠪᠤᠶᠠᠨ ᠳᠡᠯᠭᠡᠷᠡᠵᠤ ᠪᠠᠢᠬᠤ ᠪᠤᠯᠳᠤᠭᠠᠢ᠃
ᠡᠬᠡ ᠪᠢᠴᠢᠭ᠄ ᠪᠤᠷᠮᠠ᠂ ᠰᠤᠷᠤᠨᠠ
ᠡᠬᠡ ᠪᠢᠴᠢᠭ ᠬᠢᠨᠠᠭᠴᠢ᠄ ᠰᠠᠩᠵᠠᠢ