ᠤᠯᠠᠨᠤ ᠮᠡᠳᠡᠭᠡᠵᠢᠪᠡᠷ᠂ ᠳᠡᠭᠡᠷᠡ ᠵᠠᠭᠤᠨᠠᠴᠠ ᠨᠠᠭᠠᠱᠢ ᠪᠦᠬᠦᠢᠯᠡ ᠬᠡᠯᠡᠨᠤ ᠱᠢᠨᠵᠢᠯᠡᠯᠦᠨ ᠬᠦᠷᠢᠶᠡᠨᠳᠤ ᠰᠸᠢᠰᠤᠨ ᠬᠡᠯᠡᠨᠤ ᠡᠷᠳᠡᠮᠲᠡᠨ ᠹᠸᠷᠳᠢᠨᠠᠨᠲ·ᠳ᠋ᠸ·ᠰᠤᠱᠢᠦᠢᠷ (Ferdinand de Saussure¸1857－1913)ᠤᠨ ᠬᠡᠯᠡᠨᠤ ᠪᠦᠲᠦᠴᠡᠶᠢᠨ ᠱᠢᠰᠲᠧᠮᠤᠨ ᠰᠤᠳᠤᠯᠤᠯ ᠭᠠᠵᠠᠷ ᠠᠪᠴᠦ ᠪᠠᠢᠭᠰᠠᠨᠤ ᠤᠯᠠᠮᠢᠶᠠᠷ ᠬᠡᠯᠡᠨᠤ ᠡᠷᠳᠡᠮᠲᠡᠳᠨᠢ ᠤᠬᠠᠮᠰᠠᠷᠠᠴᠠᠪᠠᠨ ᠪᠤᠶᠤ ᠰᠠᠨᠠᠮᠰᠠᠷᠦᠭᠡᠢ ᠪᠠᠢᠳᠠᠯᠢᠶᠠᠷ ᠬᠡᠯᠡᠨᠤ ᠪᠦᠲᠦᠴᠡᠶᠢᠨ ᠰᠤᠳᠤᠯᠤᠯ－ᠬᠡᠯᠡᠨᠤ ᠲᠣᠭᠲᠠᠩᠭᠤᠢ ᠪᠠᠢᠳᠠᠯᠤᠨ ᠰᠤᠳᠤᠯᠤᠯ ᠳᠡᠭᠡᠷᠡ ᠠᠩᠬᠠᠷᠤᠯᠢᠶᠠᠨ ᠬᠠᠨᠳᠤᠭᠤᠯᠤᠭᠰᠠᠨᠨᠢ ᠳᠡᠢᠯᠦᠩᠬᠡᠢ᠂ ᠬᠠᠷᠢᠨ ᠬᠡᠯᠡᠨᠤ ᠴᠢᠳᠠᠪᠬᠢ ᠰᠤᠳᠤᠯᠤᠯ－ᠬᠥᠳᠡᠯᠦᠩᠭᠢ ᠪᠠᠢᠳᠠᠯᠤᠨ ᠰᠤᠳᠤᠯᠤᠯᠢ ᠳᠡᠮᠡᠢ ᠤᠴᠢᠷ ᠪᠣᠯᠭᠠᠭᠰᠠᠨᠦᠭᠡᠢ ᠪᠤᠶᠤ ᠣᠷᠬᠢᠭᠳᠠᠭᠤᠯᠤᠭᠰᠠᠨ ᠪᠠᠢᠳᠠᠯᠲᠠᠢ᠃ ᠶᠠᠭ ᠲᠡᠢᠮᠦᠴᠦ ᠤᠴᠢᠷᠠᠴᠠ ᠮᠣᠩᠭᠤᠯ ᠬᠡᠯᠡᠨᠤ ᠢᠯᠡᠳᠭᠡᠬᠦ ᠴᠢᠳᠠᠪᠬᠢ ᠶᠠᠪᠤᠬᠤ ᠳᠤᠲᠤᠮ ᠢᠪᠴᠤᠷᠠᠨ ᠰᠤᠯᠠᠷᠠᠵᠤ᠂ ᠬᠠᠷᠢ ᠬᠡᠯᠡᠪᠡᠷ ᠰᠡᠳᠭᠢᠨ᠂ ᠬᠣᠯᠢᠶᠠ ᠮᠣᠩᠭᠤᠯ ᠬᠡᠯᠡᠪᠡᠷ ᠢᠯᠡᠳᠭᠡᠵᠦ ᠪᠠᠢᠭᠠ ᠶᠠᠪᠤᠳᠠᠯ ᠵᠥᠩᠳᠡᠭᠡᠨ ᠬᠠᠷᠠᠭᠳᠠᠵᠤ ᠲᠥᠷᠦᠯᠬᠢ ᠬᠡᠯᠡᠪᠠᠨ ᠲᠦᠢᠯᠢᠶᠠᠷ ᠪᠤᠬᠢᠷᠳᠤᠭᠤᠯᠵᠤ ᠪᠠᠢᠭᠠᠨᠢ ᠬᠠᠷᠠᠮᠰᠠᠯᠲᠠᠢ᠃ ᠡᠭᠦᠨᠤ ᠤᠴᠢᠷᠨᠢ ᠬᠠᠮᠢᠭᠠᠪᠠᠨ ᠪᠠᠢᠨᠠ ᠪᠤᠢ ᠭᠡᠬᠦ ᠠᠰᠠᠭᠤᠳᠠᠯᠤᠨ ᠲᠠᠯᠠᠪᠠᠷ ᠪᠢ ᠥᠪᠡᠷᠦᠨ ᠦᠵᠡᠯᠲᠡᠪᠠᠨ ᠶᠠᠷᠢᠮᠠᠷ ᠪᠠᠢᠨᠠ᠃
ᠨᠢᠭᠡ᠂ ᠭᠡᠷ ᠠᠬᠤᠢᠶᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠯᠦᠨ ᠤᠯᠠᠷᠢᠯ ᠬᠤᠪᠢᠷᠠᠯᠠᠴᠠ ᠣᠳᠤᠬᠢ ᠮᠣᠩᠭᠤᠯ ᠬᠡᠯᠡᠨᠤ ᠢᠯᠡᠳᠭᠡᠬᠦ ᠴᠢᠳᠠᠪᠬᠢᠶᠢ ᠱᠢᠨᠵᠢᠬᠦᠨᠢ
ᠬᠡᠯᠡ ᠪᠤᠯ ᠨᠢᠭᠡᠨ ᠲᠥᠷᠦᠯᠦᠨ ᠪᠠᠭᠠᠵᠢ ᠮᠥᠨ᠂ ᠲᠡᠷᠡᠨᠢ ᠪᠤᠰᠤᠳ ᠲᠥᠷᠦᠯᠦᠨ ᠪᠠᠭᠠᠵᠢᠲᠠᠢ ᠠᠳᠠᠯᠢᠪᠲᠤᠷ᠃ ᠪᠦᠲᠦᠴᠡ ᠪᠠ ᠴᠢᠳᠠᠪᠬᠢ ᠬᠤᠶᠠᠷᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠢᠳᠠᠭ᠃ ᠡᠨᠳᠡ ᠪᠢᠳᠡ ᠬᠥᠮᠦᠨ ᠲᠥᠷᠦᠯᠭᠢᠲᠡᠨᠤ ᠠᠮᠢᠳᠤᠷᠠᠯᠳᠤ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠪᠠᠢᠭᠠ ᠭᠡᠷ ᠠᠬᠤᠢᠶᠢᠨ ᠬᠡᠷᠡᠭᠰᠡᠯᠦᠨ ᠨᠢᠭᠡ ᠪᠣᠯᠬᠤ ᠠᠷᠢᠭᠤᠨ ᠴᠡᠪᠡᠷᠦᠨ ᠪᠠᠭᠠᠵᠢ－ 《ᠬᠤᠪᠴᠠᠰᠤ ᠤᠭᠢᠶᠠᠬᠤ ᠮᠠᠱᠢᠨ》 (ᠬᠠᠯᠠᠭᠴᠤᠳ 《ᠤᠭᠢᠶᠠᠯᠭᠠᠶᠢᠨ ᠮᠠᠱᠢᠨ》 ᠭᠡᠳᠡᠭ)ᠳᠤ ᠵᠠᠳᠠᠯᠤᠯᠲᠠ ᠬᠢᠪᠡᠯ᠄
ᠬᠥᠮᠦᠨ ᠲᠥᠷᠦᠯᠭᠢᠲᠡᠨ ᠡᠷᠲᠡ ᠦᠶᠡᠳᠤ ᠬᠤᠪᠴᠠᠰᠤᠪᠠᠨ ᠭᠠᠷᠢᠶᠠᠷ ᠤᠭᠢᠶᠠᠵᠤ ᠪᠠᠢᠭᠰᠠᠨᠢᠶᠠᠨ ᠤᠭᠢᠶᠠᠭᠤᠷ ᠬᠠᠪᠲᠠᠰᠤ᠂ ᠬᠤᠪᠴᠠᠰᠤ ᠤᠭᠢᠶᠠᠬᠤ ᠬᠠᠪᠲᠠᠰᠤ᠂ ᠬᠤᠪᠴᠠᠰᠤ ᠤᠭᠢᠶᠠᠬᠤ ᠱᠢᠳᠠᠮ ᠮᠡᠲᠦ ᠳᠥᠭᠦᠮᠬᠡᠨ ᠪᠠᠭᠠᠵᠢᠶᠢ ᠵᠣᠬᠢᠶᠠᠨ ᠪᠦᠲᠦᠭᠡᠵᠡᠢ᠃ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠬᠥᠭᠵᠢᠯᠢ ᠳᠠᠭᠠᠯᠳᠤᠨ ᠳᠠᠩ ᠰᠠᠭᠤᠯᠠᠭᠠᠲᠦ ᠬᠤᠪᠴᠠᠰᠤ ᠤᠭᠢᠶᠠᠬᠤ ᠮᠠᠱᠢᠨ᠂ ᠬᠠᠭᠠᠰ ᠥᠪᠡᠷᠢᠶᠡᠨ ᠬᠥᠳᠡᠯᠬᠦ ᠬᠤᠪᠴᠠᠰᠤ ᠤᠭᠢᠶᠠᠬᠤ ᠮᠠᠱᠢᠨ (ᠬᠠᠯᠠᠭᠴᠤᠳ 《ᠬᠠᠭᠠᠰ ᠠᠦ᠋ᠲ᠋ᠤᠮᠠᠲ ᠤᠭᠢᠶᠠᠯᠭᠠᠶᠢᠨ ᠮᠠᠱᠢᠨ》 ᠭᠡᠳᠡᠭ)᠂ ᠬᠤᠪᠴᠠᠰᠤ ᠤᠭᠢᠶᠠᠬᠤ ᠠᠦ᠋ᠲ᠋ᠤ ᠮᠠᠱᠢᠨ (ᠬᠠᠯᠠᠭᠴᠤᠳ 《ᠪᠦᠷᠢᠨ ᠠᠦ᠋ᠲ᠋ᠤᠮᠠᠲ ᠤᠭᠢᠶᠠᠯᠭᠠᠶᠢᠨ ᠮᠠᠱᠢᠨ》 ᠭᠡᠳᠡᠭ) ᠵᠡᠷᠭᠡ ᠪᠤᠢ ᠪᠣᠯᠪᠠ᠃
ᠤᠭᠢᠶᠠᠯᠭᠠᠶᠢᠨ ᠮᠠᠱᠢᠨᠤ ᠪᠦᠲᠦᠴᠡᠶᠢ ᠵᠢᠭᠰᠠᠭᠠᠪᠠᠯ᠄ (1) ᠲᠠᠭᠯᠠᠭᠠ (ᠬᠠᠯᠠᠭᠴᠤᠳ 《ᠲᠠᠭ》 ᠭᠡᠳᠡᠭ)᠂ (2) ᠳᠣᠲᠤᠷᠠ ᠰᠠᠭᠤᠯᠭᠠᠶᠢᠨ ᠳᠡᠭᠡᠲᠦ ᠢᠷᠮᠡᠭ (ᠬᠠᠯᠠᠭᠴᠤᠳ 《ᠤᠬᠢᠶᠠᠭᠴᠢ ᠰᠠᠪᠠᠨᠤ ᠠᠮᠠᠰᠠᠷ》 ᠭᠡᠳᠡᠭ)᠂ (3) ᠬᠤᠳᠭᠤᠭᠤᠷ (ᠬᠠᠯᠠᠭᠴᠤᠳ 《ᠰᠠᠨᠰᠠ》 ᠭᠡᠳᠡᠭ)᠂ (4) ᠳᠣᠲᠤᠷᠠ ᠰᠠᠭᠤᠯᠭᠠ (ᠬᠠᠯᠠᠭᠴᠤᠳ 《ᠤᠬᠢᠶᠠᠭᠴᠢ ᠰᠠᠪᠠ》 ᠭᠡᠳᠡᠭ)᠂ (5) ᠱᠢᠭᠦᠭᠦᠷ (ᠬᠠᠯᠠᠭᠴᠤᠳ 《ᠲᠣᠤᠷᠤᠨ ᠱᠦᠭᠦᠯᠳᠡᠭᠦᠷ》 ᠭᠡᠳᠡᠭ)᠂ (6) ᠬᠤᠷᠳᠤᠴᠠ ᠥᠭᠡᠷᠡᠴᠢᠯᠡᠭᠴᠢ (ᠬᠠᠯᠠᠭᠴᠤᠳ 《ᠳᠠᠮᠵᠢᠭᠤᠯᠤᠭᠴᠢ》 ᠭᠡᠳᠡᠭ᠂ (7) ᠬᠠᠷᠢᠮᠠᠭ (ᠬᠠᠯᠠᠭᠴᠤᠳ 《ᠫᠦᠷᠱ》 ᠭᠡᠳᠡᠭ);
ᠤᠭᠢᠶᠠᠯᠭᠠᠶᠢᠨ ᠮᠠᠱᠢᠨᠤ ᠴᠢᠳᠠᠪᠬᠢᠶᠢ ᠵᠢᠭᠰᠠᠭᠠᠪᠠᠯ᠄ (8) ᠵᠠᠬᠢᠷᠬᠤ ᠲᠠᠯᠠᠪᠠᠢ (ᠬᠠᠯᠠᠭᠴᠤᠳ 《ᠲᠣᠬᠢᠷᠠᠭᠤᠯᠭᠠᠶᠢᠨ ᠬᠡᠰᠡᠭ》 ᠭᠡᠳᠡᠭ)᠂ (9) ᠤᠰᠤᠨᠤ ᠲᠦᠪᠱᠢᠨ ᠰᠣᠩᠭᠤᠭᠴᠢ (ᠬᠠᠯᠠᠭᠴᠤᠳ 《ᠤᠰᠤᠨᠤ ᠲᠦᠪᠱᠢᠨ ᠲᠣᠬᠢᠷᠠᠭᠤᠯᠤᠭᠴᠢ》 ᠭᠡᠳᠡᠭ)᠂ (10) ᠤᠰᠤᠨᠤ ᠳᠤᠯᠠᠭᠠᠨ ᠰᠣᠩᠭᠤᠭᠴᠢ (ᠬᠠᠯᠠᠭᠴᠤᠳ 《ᠤᠰᠤᠨᠤ ᠬᠠᠯᠠᠭᠤᠨ ᠲᠣᠬᠢᠷᠠᠭᠤᠯᠤᠭᠴᠢ》 ᠭᠡᠳᠡᠭ)᠂ (11) ᠵᠠᠬᠢᠷᠬᠤ ᠲᠣᠪᠴᠢᠯᠠᠭᠤᠷ (ᠬᠠᠯᠠᠭᠴᠤᠳ 《ᠲᠣᠬᠢᠷᠠᠭᠤᠯᠭᠠ》 ᠭᠡᠳᠡᠭ)᠂ (12) ᠮᠠᠱᠢᠨᠤ ᠬᠠᠭᠠᠯᠭᠠ (ᠬᠠᠯᠠᠭᠴᠤᠳ 《ᠳᠠᠭ》 ᠭᠡᠳᠡᠭ)᠁ ᠵᠡᠷᠭᠡ ᠤᠯᠠᠨ ᠡᠯᠸᠮᠸᠨ᠋ᠲᠢᠶᠠᠷ ᠴᠣᠭᠴᠠᠯᠠᠭᠳᠠᠭᠰᠠᠨ ᠪᠠᠭᠠᠵᠢ ᠪᠣᠯᠵᠤ ᠬᠥᠭᠵᠢᠵᠡᠢ᠃
ᠤᠭᠢᠶᠠᠯᠭᠠᠶᠢᠨ ᠮᠠᠱᠢᠨᠳᠤ ᠬᠣᠯᠪᠤᠭᠳᠠᠭᠰᠠᠨ ᠦᠭᠡᠰᠢ ᠠᠵᠢᠭᠯᠠᠬᠤᠳᠤ᠂ ᠨᠡᠢᠭᠡᠮᠦᠨ ᠬᠥᠭᠵᠢᠯᠨᠢ ᠦᠭᠡᠰᠦᠨ ᠰᠠᠩᠤᠨ ᠬᠥᠭᠵᠢᠯᠳᠤ ᠱᠢᠢᠳᠪᠦᠷᠢᠯᠡᠭᠴᠢ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠢᠨᠠ᠃ ᠥᠪᠦᠷ ᠮᠣᠩᠭᠤᠯᠴᠤᠳᠴᠦ ᠲᠡᠷᠡ᠂ ᠬᠠᠯᠠᠭᠴᠤᠳᠴᠦ ᠲᠡᠷᠡ ᠥᠪᠡᠷ ᠥᠪᠡᠷᠦᠨ ᠣᠨᠴᠠᠯᠢᠭ ᠪᠦᠬᠦᠢ ᠦᠭᠡ ᠵᠣᠬᠢᠶᠠᠳᠠᠭ ᠱᠢᠨᠵᠢ ᠪᠠᠢᠳᠠᠭ ᠬᠡᠳᠦᠢᠴᠦ᠂ ᠠᠯᠢ ᠠᠯᠢᠨᠨᠢᠴᠦ ᠬᠥᠱᠢᠭᠦᠨ ᠪᠠᠢᠳᠠᠯᠲᠠᠢ ᠮᠥᠷᠲᠡᠭᠡᠨ ᠨᠢᠭᠡ ᠰᠠᠢᠨ ᠳᠦᠷᠢᠮᠵᠢᠭᠡᠦᠭᠡᠢ ᠪᠠᠢᠭᠠᠨᠢ ᠢᠯᠡᠬᠡᠨ᠃
ᠬᠤᠶᠠᠷ᠂ ᠡᠪᠦᠳᠦᠭ ᠲᠣᠭᠤᠷᠢᠭᠰᠠᠨ ᠭᠠᠷ ᠠᠪᠤᠯᠭᠠᠶᠢ ᠱᠢᠨᠡᠴᠢᠯᠡᠬᠦ ᠮᠣᠩᠭᠤᠯ ᠬᠡᠯᠡᠨᠤ ᠪᠣᠯᠤᠮᠵᠢ
ᠡᠭᠦᠨᠳᠤ 《ᠬᠢᠲᠠᠳ ᠮᠣᠩᠭᠤᠯ ᠲᠣᠯᠢ》 (ᠭᠤᠷᠪᠠᠳᠤᠭᠠᠷ ᠬᠡᠪᠯᠡᠯ)ᠪᠠᠷ ᠵᠢᠱᠢᠶᠡᠯᠡᠬᠦᠨᠢ ᠬᠠᠮᠤᠭᠤᠨ ᠲᠣᠬᠢᠷᠠᠮᠵᠢᠲᠠᠢ ᠬᠡᠮᠡᠨ ᠦᠵᠡᠵᠦ ᠪᠠᠢᠨᠠ᠃ ᠤᠤᠯ ᠲᠣᠯᠢ ᠪᠤᠯ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠲᠦᠷᠦᠶᠢᠨ ᠪᠣᠳᠤᠯᠭᠠᠶᠢᠨ ᠢᠪᠡᠭᠡᠯ ᠳᠣᠤᠷᠠ᠂ ᠥᠪᠦᠷ ᠮᠣᠩᠭᠤᠯᠤᠨ ᠨᠡᠢᠭᠡᠮᠦᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠮᠣᠩᠭᠤᠯ ᠬᠡᠯᠡ ᠦᠰᠦᠭ ᠪᠢᠴᠢᠭ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠲᠤᠯᠢᠴᠢᠳᠤᠨ ᠤᠯᠠᠨ ᠵᠢᠯᠤᠨ ᠲᠤᠷᠱᠢᠬᠢ ᠬᠢᠴᠢᠶᠡᠯ ᠵᠢᠳᠭᠦᠯᠢ ᠳᠠᠮᠵᠢᠵᠦ᠂ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠣᠷᠴᠢᠨ ᠦᠶᠡᠶᠢᠨ ᠬᠢᠲᠠᠳ ᠬᠡᠯᠡᠶᠢ ᠰᠤᠷᠬᠤ ᠪᠣᠯᠤᠨ ᠳᠦᠷᠢᠮᠵᠢᠭᠦᠯᠬᠦᠳᠤ ᠬᠠᠮᠤᠭᠤᠨ ᠴᠢᠬᠤᠯᠠ᠂ ᠬᠠᠮᠤᠭᠤᠨ ᠦᠨᠳᠦᠰᠦᠨᠨᠡᠷᠡ ᠬᠦᠨᠳᠦ ᠪᠦᠬᠦᠢ ᠬᠡᠷᠡᠭᠯᠡᠭᠡᠨᠤ ᠨᠣᠮᠶᠤᠮ᠃ ᠲᠡᠷᠡᠪᠡᠷ ᠲᠤᠬᠠᠢᠶᠢᠨ ᠦᠶᠡᠶᠢᠨ ᠲᠡᠤᠬᠡᠲᠦ ᠬᠤᠭᠤᠴᠠᠭᠠᠨᠳᠤ ᠤᠯᠠᠨ ᠵᠦᠢᠯᠦᠨ ᠱᠢᠯᠲᠠᠭᠠᠨᠠᠴᠠ ᠪᠣᠯᠵᠤ᠂ ᠱᠢᠨᠡ ᠵᠠᠭᠤᠨᠤ ᠡᠬᠢᠨ ᠪᠣᠯᠲᠠᠯᠠ ᠬᠡᠳᠦᠢᠪᠡᠷ ᠱᠢᠯᠢᠳᠡᠭ ᠨᠣᠮᠤᠨᠨᠡᠷᠡᠶᠢ ᠣᠯᠵᠤ ᠴᠢᠳᠠᠭᠠᠦᠭᠡᠢᠴᠦ᠂ 20ᠳᠤᠭᠠᠷ ᠵᠠᠭᠤᠨᠤ ᠵᠢᠷᠠᠭᠠᠳᠤᠨᠠᠴᠠ ᠨᠠᠶᠠᠭᠠᠳᠤᠨ ᠬᠦᠷᠲᠡᠯᠡ ᠮᠠᠨᠤ ᠤᠯᠤᠰᠤᠨ ᠨᠠᠢ᠍ᠮᠠᠨ ᠮᠤᠵᠢ ᠣᠷᠤᠨᠤ ᠮᠣᠩᠭᠤᠯ ᠬᠡᠯᠡ ᠬᠡᠷᠡᠭᠯᠡᠳᠡᠭ ᠡᠯᠡ ᠱᠠᠲᠤᠨᠤ ᠠᠯᠪᠠᠨ ᠪᠠᠢᠭᠤᠯᠭᠠᠶᠢᠨ ᠠᠵᠢᠯᠲᠠᠳᠤᠨ ᠬᠢᠲᠠᠳ ᠬᠡᠯᠡᠨᠡᠴᠡ ᠮᠣᠩᠭᠤᠯ ᠬᠡᠯᠡ ᠤᠷᠤᠭᠤ ᠣᠷᠴᠢᠭᠤᠯᠬᠤᠳᠤ ᠲᠤᠳᠠᠭᠳᠠᠵᠤ ᠪᠣᠯᠤᠱᠢᠦᠭᠡᠢ ᠭᠠᠷ ᠠᠪᠤᠯᠭᠠ ᠪᠣᠯᠵᠤ᠂ ᠬᠡᠷᠡᠭ ᠳᠡᠭᠡᠷᠡᠪᠡᠨ ᠥᠷᠭᠡᠨ ᠤᠯᠠᠨ ᠤᠩᠱᠢᠭᠴᠢᠳᠤᠨ ᠳᠤᠮᠳᠠ ᠳᠤᠲᠠᠭᠳᠠᠵᠤ ᠪᠣᠯᠤᠱᠢᠦᠭᠡᠢ ᠪᠠᠢᠷᠢ ᠰᠠᠭᠤᠷᠢᠶᠢ ᠣᠯᠵᠠᠢ ᠭᠡᠵᠤ ᠪᠣᠯᠤᠨᠠ᠃
《ᠬᠢᠲᠠᠳ ᠮᠣᠩᠭᠤᠯ ᠲᠣᠯᠢ》 (ᠭᠤᠷᠪᠠᠳᠤᠭᠠᠷ ᠬᠡᠪᠯᠡᠯ)ᠨᠢ ᠥᠪᠦᠷ ᠮᠣᠩᠭᠤᠯᠤᠨ ᠨᠡᠢᠭᠡᠮᠦᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩ ᠬᠢᠭᠡᠳ ᠦᠨᠳᠦᠰᠦᠲᠡᠨᠤ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠬᠠᠮᠲᠤᠶᠢᠨ ᠠᠵᠢᠯᠯᠠᠭᠠ᠂ ᠵᠢᠴᠢ ᠳ᠋᠊·ᠪᠠᠭᠠᠲᠤᠷ᠂ ᠰᠦᠮᠪᠦᠷᠪᠠᠲᠤᠨᠠᠷᠤᠨ ᠰᠡᠳᠭᠢᠯ ᠵᠢᠳᠭᠦᠯᠦᠨ ᠴᠢᠷᠮᠠᠢᠯᠲᠠᠪᠠᠷ ᠡᠳᠦᠭᠡ ᠲᠦᠮᠡᠨᠳᠤᠪᠡᠨ ᠲᠤᠰᠠᠲᠠᠢ᠂ ᠲᠦᠷᠦᠶᠢᠨ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠭᠠᠷ ᠠᠪᠤᠯᠭᠠ ᠪᠣᠯᠤᠭᠠᠳ ᠪᠠᠢᠭᠠ ᠤᠴᠢᠷ ᠨᠡᠢᠭᠡᠮᠦᠨ ᠬᠡᠷᠡᠭᠯᠡᠭᠡᠨᠤ ᠬᠡᠯᠡ ᠱᠢᠨᠵᠢᠯᠡᠯᠦᠨ ᠡᠭᠦᠳᠡᠨᠡᠴᠡ ᠬᠡᠷᠡᠭᠯᠡᠭᠡᠨᠤ ᠬᠡᠯᠡ ᠱᠢᠨᠵᠢᠯᠡᠯᠦᠨ ᠲᠤᠬᠠᠢ ᠶᠠᠷᠢᠯᠴᠠᠬᠤᠳᠤ ᠨᠠᠢᠳᠠᠪᠦᠷᠢᠲᠠᠢ ᠵᠢᠱᠢᠶᠡ ᠬᠠᠩᠭᠠᠬᠤ ᠴᠤᠷᠤᠨ ᠭᠠᠭᠴᠠ ᠮᠠᠲᠧᠷᠢᠶᠠᠯ ᠪᠣᠯᠵᠤ ᠪᠠᠢᠨᠠ᠃ ᠪᠢ ᠡᠨᠡᠬᠦ ᠪᠡᠰᠡᠷᠡᠭᠬᠡᠨ ᠤᠬᠤᠷ ᠥᠭᠦᠯᠡᠯᠢ ᠪᠢᠴᠢᠬᠦ ᠵᠣᠷᠢᠯᠭᠠᠪᠡᠷ ᠲᠤᠰ ᠲᠣᠯᠢᠶᠢ ᠤᠬᠠᠭᠠᠯᠠᠭᠰᠠᠨ ᠬᠠᠷᠢᠭᠤᠴᠠᠭᠰᠠᠨ ᠨᠠᠢᠷᠠᠭᠤᠯᠤᠭᠴᠢ ᠰᠦᠮᠪᠦᠷᠪᠠᠲᠤ ᠪᠠᠭᠱᠢᠶᠢᠨ ᠲᠤᠰ ᠲᠣᠯᠢᠨᠳᠤ ᠬᠢᠷᠢ ᠵᠡᠷᠭᠡ ᠬᠦᠴᠦ ᠬᠥᠯᠦᠰᠦ ᠱᠢᠩᠭᠡᠭᠡᠵᠦ ᠠᠵᠢᠯᠯᠠᠭᠰᠠᠨᠢ ᠬᠦᠨᠳᠦᠳᠭᠡᠨ ᠪᠢᠱᠢᠷᠡᠨᠡᠮ᠃ ᠵᠢᠱᠢᠶᠡᠯᠡᠪᠡᠯ᠄ ᠬᠢᠲᠠᠳ ᠲᠣᠯᠤᠭᠠᠢ ᠦᠭᠡᠶᠢᠨ ᠮᠣᠩᠭᠤᠯ ᠣᠨᠤᠭᠠᠯᠲᠠᠳᠤ ᠨᠡᠮᠡᠯᠲᠡ᠂ ᠵᠠᠰᠠᠯᠲᠠ ᠬᠢᠭᠰᠡᠨ᠂ ᠮᠣᠩᠭᠤᠯ ᠰᠣᠶᠤᠯᠢ ᠬᠠᠷᠠᠭᠤᠯᠤᠭᠰᠠᠨ ᠬᠡᠯᠡᠴᠡ ᠪᠤᠶᠤ ᠵᠦᠢᠷ ᠰᠡᠴᠡᠨ ᠦᠭᠡ ᠨᠡᠮᠡᠵᠤ ᠣᠷᠤᠭᠤᠯᠤᠭᠰᠠᠨ ᠵᠡᠷᠭᠡ᠃
ᠬᠤᠷᠢᠶᠠᠩᠭᠤᠢᠯᠠᠪᠠᠯ᠂ ᠳᠡᠭᠡᠷᠡ ᠵᠠᠭᠤᠨᠤ 50－60ᠤᠨᠳᠤ ᠮᠣᠩᠭᠤᠯ ᠤᠯᠤᠰᠤᠨ ᠶᠡᠬᠡ ᠡᠷᠳᠡᠮᠲᠡᠨ ᠪ᠊·ᠷᠢᠨᠴᠢᠨ ᠭᠤᠸᠠᠢ 《ᠥᠭᠡᠳᠡᠯᠡᠵᠦ ᠳᠡᠭᠵᠢᠬᠦᠶᠢᠨ ᠲᠡᠭᠦᠰ ᠬᠤᠪᠢᠲᠠᠢ᠂ ᠤᠷᠭᠤᠨ ᠮᠠᠨᠳᠤᠬᠤᠶᠢᠨ ᠱᠢᠨᠵᠢ ᠪᠦᠷᠢᠳᠦᠭᠰᠡᠨ ᠡᠪᠦᠭᠡᠳᠦᠨ ᠮᠠᠨᠢ ᠬᠡᠯᠡ! 》 ᠭᠡᠵᠦ ᠰᠤᠷᠭᠠᠮᠵᠢᠯᠠᠭᠰᠠᠨᠢᠶᠠᠷ ᠦᠯᠦ ᠪᠠᠷᠠᠮ ᠮᠣᠩᠭᠤᠯ ᠬᠡᠯᠡᠨᠤ 《ᠦᠭᠡᠶᠢᠨ ᠵᠦᠢᠯᠢ ᠪᠦᠲᠦᠭᠦᠪᠴᠢᠯᠡᠪᠡᠯ ᠨᠢᠭᠡ ᠪᠤᠮᠤᠨ ᠦᠭᠡ ᠪᠠᠷᠲᠠᠭᠠᠪᠠᠷ ᠪᠤᠢ ᠭᠡᠵᠤ ᠪᠣᠯᠤᠨᠠ᠃ ᠪᠤᠮ ᠭᠡᠵᠤ ᠠᠷᠪᠠᠨ ᠲᠦᠮᠡ ᠪᠤᠶᠤ ᠵᠠᠭᠤᠨ ᠮᠢᠩᠭᠠᠨ ᠦᠭᠡ ᠠᠵᠠᠢ》 ᠭᠡᠵᠦ ᠬᠡᠯᠡᠵᠡᠢ᠃ ᠣᠷᠴᠢᠮᠬᠠᠨ ᠪᠠᠷᠠᠭᠤᠨ ᠬᠣᠢᠲᠤᠶᠢᠨ ᠦᠨᠳᠦᠰᠦᠲᠡᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠫᠷᠤᠹᠧᠰᠰᠤᠷ ᠴᠠ᠊·ᠴᠣᠢᠳᠠᠨᠳᠠᠷ ᠭᠤᠸᠠᠢᠶᠢᠨ ᠲᠤᠭᠤᠷᠪᠢᠭᠰᠠᠨ ᠳᠣᠷᠪᠢᠲᠠᠢ ᠪᠦᠲᠦᠭᠡᠯᠢ ᠤᠩᠱᠢᠬᠤ ᠶᠠᠪᠤᠴᠠᠳᠤ ᠡᠷᠳᠡᠮᠲᠡᠨ ᠵᠣᠬᠢᠶᠠᠭᠴᠢᠪᠠᠷ ᠪᠦᠲᠦᠭᠡᠯᠢᠶᠡᠨ ᠭᠤᠴᠢᠭᠠᠳ ᠵᠢᠯ ᠮᠣᠩᠭᠤᠯ ᠵᠠᠩ ᠦᠢᠯᠡ᠂ ᠬᠡᠯᠡ ᠶᠠᠷᠢᠶᠠᠨᠳᠤ ᠬᠡᠭᠡᠷᠡᠶᠢᠨ ᠪᠠᠢᠴᠠᠭᠠᠯᠲᠠ ᠬᠢᠭᠰᠡᠨ ᠨᠦᠦᠷ ᠶᠡᠬᠡ ᠬᠥᠳᠡᠯᠮᠦᠷᠢᠶᠢᠨ ᠦᠷᠡ ᠳ᠋ᠦᠩᠳᠤ 《ᠨᠠᠷᠠ ᠰᠠᠯᠬᠢᠨᠳᠤ ᠬᠠᠷᠠᠯᠠᠵᠤ ᠪᠣᠷᠤᠯᠠᠭᠰᠠᠨ ᠮᠠᠯᠴᠢᠨ ᠡᠪᠦᠭᠡᠳ ᠡᠮᠡᠭᠡᠳ ᠪᠣᠯᠪᠠᠴᠤ ᠮᠣᠩᠭᠤᠯ ᠰᠣᠶᠤᠯᠤᠨ ᠶᠡᠬᠡ ᠪᠠᠭᠱᠢ᠂ ᠲᠣᠮᠤ ᠨᠣᠮᠤᠨ ᠰᠠᠩᠴᠢ᠂ ᠠᠭᠤᠳᠠᠯᠵᠤ ᠪᠠᠷᠠᠱᠢᠦᠭᠡᠢ ᠠᠯᠲᠠᠲᠠᠢ ᠪᠣᠷᠤ ᠠᠪᠳᠠᠷᠠ ᠪᠤᠶᠤ》 ᠬᠡᠮᠡᠨ ᠶᠠᠷᠢᠵᠠᠢ᠃ ᠠᠭᠤᠳᠠᠯᠵᠤ ᠪᠠᠷᠠᠱᠢᠦᠭᠡᠢ 《ᠠᠯᠲᠠᠲᠠᠢ ᠪᠣᠷᠤ ᠠᠪᠳᠠᠷᠠ》 ᠭᠡᠳᠡᠭᠨᠢ ᠲᠥᠷᠦᠯᠬᠢ ᠬᠡᠯᠡᠨᠤ ᠮᠠᠨᠢ ᠤᠯᠠᠮᠵᠢᠯᠠᠯᠲᠤ ᠰᠣᠶᠤᠯᠶᠤᠮ᠃ ᠠᠢᠯᠠᠴᠠ ᠡᠷᠢᠬᠦᠶᠢᠨ ᠣᠷᠤᠨᠳᠤ ᠠᠪᠳᠠᠷᠠᠠᠴᠠᠪᠠᠨ ᠡᠷᠢᠬᠦ ᠶᠣᠰᠤ ᠡᠨᠡ ᠪᠢᠯᠡᠤᠤ!
ᠥᠪᠦᠷ ᠮᠣᠩᠭᠤᠯᠤᠨ ᠡᠳᠦᠷᠦᠨ ᠰᠣᠨᠢᠨᠠᠴᠠ ᠱᠢᠯᠵᠢᠭᠦᠯᠦᠨ ᠨᠡᠢᠲᠡᠯᠡᠪᠡ
ᠵᠣᠬᠢᠶᠠᠭᠴᠢ᠄ ᠪᠤᠤ ᠰᠡᠴᠡᠨ
