6 ᠰᠠᠷᠠᠶᠢᠨ 22ᠤᠨ ᠡᠳᠦᠷ᠂ ᠥᠪᠤᠷ ᠮᠣᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠶᠢᠨ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠰᠠᠭᠤᠷ ᠮᠥᠩᠭᠦᠶᠢᠨ ᠲᠥᠷᠦᠯ ᠵᠦᠢᠯ 《ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠡᠭᠡᠵᠢ》 ᠴᠤᠪᠤᠷᠠᠯ ᠨᠣᠮᠢ ᠠᠩᠬᠠᠯᠠᠨ ᠲᠠᠷᠬᠠᠭᠠᠬᠤ ᠵᠢᠴᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠬᠥᠬᠡᠬᠤᠲᠠᠳᠤ ᠶᠠᠪᠤᠭᠳᠠᠪᠠ᠃
《ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠡᠭᠡᠵᠢ》 ᠴᠤᠪᠤᠷᠠᠯ ᠨᠣᠮ ᠬᠡᠮᠡᠬᠦ 20 ᠪᠣᠳᠢ ᠨᠣᠮ ᠪᠣᠯ 2500 ᠲᠦᠮᠨ ᠱᠢᠬᠠᠮ ᠦᠰᠦᠭᠲᠠᠢ᠂ ᠮᠣᠩᠭᠤᠯᠴᠤᠳᠤᠨ ᠡᠷᠲᠡ ᠡᠳᠦᠭᠡ ᠬᠦᠷᠳᠡᠯᠡᠬᠢ 800 ᠵᠢᠯᠤᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠪᠥᠳᠦᠭᠡᠯᠢ ᠬᠠᠮᠤᠷᠤᠭᠰᠠᠨ᠂ ᠥᠷᠭᠡᠴᠠᠪᠠᠷ ᠳᠤᠮᠳᠠᠳᠦ᠂ ᠮᠣᠩᠭᠤᠯ᠂ ᠣᠷᠤᠰ ᠭᠤᠷᠪᠠᠨ ᠤᠯᠤᠰᠲᠤ ᠣᠷᠤᠱᠢᠨ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠮᠣᠩᠭᠤᠯ ᠦᠨᠳᠦᠰᠦᠳᠡᠨᠦ ᠡᠷᠲᠡᠨᠦ ᠪᠢᠴᠢᠭ᠂ ᠠᠮᠠᠨ ᠵᠣᠬᠢᠶᠠᠯ ᠪᠣᠯᠤᠨ ᠪᠢᠴᠢᠭᠤᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠠᠯᠠᠢ ᠶᠡᠬᠡ ᠪᠥᠳᠦᠭᠡᠯᠡᠴᠡ ᠱᠢᠭᠱᠢᠨ ᠰᠣᠩᠭᠤᠵᠤ᠂ ᠡᠮᠬᠢᠯᠡᠨ ᠨᠢᠭᠡᠳᠬᠡᠵᠤ᠂ ᠤᠷᠠᠨ ᠵᠣᠬᠢᠶᠠᠯᠤᠨ ᠲᠥᠷᠦᠯᠢᠶᠡᠷ ᠠᠩᠭᠢᠯᠠᠨ ᠪᠤᠳᠢᠴᠢᠯᠡᠨ ᠬᠡᠪᠯᠡᠬᠦᠯᠵᠤ ᠪᠠᠢᠭᠠ ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠡᠤᠬᠡᠨᠳᠤ ᠤᠷᠢᠳ ᠭᠠᠷᠤᠭᠠᠦᠭᠡᠢ ᠲᠣᠮᠤ ᠪᠦᠲᠦᠭᠡᠯ ᠪᠣᠯᠤᠨᠠ᠃ ᠲᠤᠰ ᠲᠣᠮᠤ ᠪᠦᠲᠦᠭᠡᠯᠨᠢ 2009 ᠣᠨᠳᠤ ᠳᠥᠰᠦᠯ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠠᠷᠪᠠᠭᠠᠳ ᠵᠢᠯᠤᠨ ᠬᠠᠳᠠᠭᠤᠵᠢᠯᠳᠠᠢ ᠴᠢᠷᠮᠠᠢᠯᠭᠠ᠂ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠰᠠᠭᠤᠷᠢ ᠮᠥᠩᠭᠦᠨᠦ ᠲᠤᠰᠠᠯᠠᠮᠵᠢᠪᠠᠷ ᠥᠷᠭᠡᠨ ᠤᠯᠠᠨ ᠤᠷᠠᠨ ᠵᠣᠬᠢᠶᠠᠯᠳᠤ ᠳᠤᠷᠠ ᠰᠣᠨᠢᠷᠬᠠᠯᠲᠠᠢ ᠤᠯᠤᠰᠤᠨ ᠳᠤᠳᠤᠭᠠᠳᠦ ᠭᠠᠳᠠᠭᠠᠳᠦᠶᠢᠨ ᠮᠣᠩᠭᠤᠯᠴᠢ ᠡᠷᠳᠡᠮᠳᠡᠨ᠂ ᠵᠣᠬᠢᠶᠠᠯᠴᠢᠳ ᠪᠠ ᠤᠩᠱᠢᠭᠴᠢᠶᠢᠨ ᠲᠣᠷᠭᠠᠨ ᠮᠡᠯᠮᠡᠢᠳᠤ ᠬᠦᠷᠭᠡᠵᠤ ᠪᠠᠢᠭᠠᠨᠢ ᠡᠨᠡ ᠪᠢᠯᠡ᠃
ᠲᠤᠰ ᠲᠣᠮᠤ ᠪᠦᠳᠦᠭᠡᠯᠢ ᠳᠤᠮᠳᠠᠳᠦ ᠤᠯᠤᠰᠤᠨ ᠨᠡᠢᠭᠡᠮᠦᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠤᠤᠯᠤᠨ ᠲᠡᠷᠢᠭᠦᠨ ᠰᠤᠳᠤᠯᠤᠭᠠᠴᠢ᠂ ᠳ᠋ᠤᠺᠲ᠋ᠤᠷᠠᠨᠲᠤᠨ ᠵᠢᠯᠤᠭᠤᠳᠤᠭᠴᠢ ᠪᠠᠭᠱᠢ ᠰᠠᠴᠠᠨᠮᠦ᠋ᠩᠬᠡ ᠰᠠᠨᠠᠭᠠᠴᠢᠯᠠᠵᠤ᠂ ᠳᠥᠰᠦᠯ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠭᠣᠤᠯᠴᠢᠯᠠᠨ ᠨᠠᠢᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃ ᠲᠤᠰ ᠴᠤᠪᠤᠷᠠᠯ ᠨᠣᠮᠳᠤ ᠱᠢᠳᠢᠳᠦ ᠦᠯᠢᠭᠡᠷ᠂ ᠳᠣᠮᠤᠭ ᠶᠠᠷᠢᠶᠠ᠂ ᠢᠷᠦᠭᠡᠯ ᠮᠠᠭᠳᠠᠭᠠᠯ᠂ ᠥᠭᠦᠯᠡᠯᠭᠡ᠂ ᠳᠤᠭᠤᠵᠢ᠂ ᠷᠣᠮᠠᠨ᠂ ᠬᠤᠭᠤᠷᠤᠨ ᠦᠯᠢᠭᠡᠷ ᠵᠡᠷᠭᠡ 26 ᠰᠲ᠋ᠢᠯᠢᠶᠢᠨ 3000 ᠱᠢᠬᠠᠭᠤ ᠵᠣᠬᠢᠶᠠᠯ ᠪᠥᠳᠦᠭᠡᠯᠢ ᠱᠢᠯᠢᠵᠤ ᠰᠣᠩᠭᠤᠵᠤ ᠣᠷᠤᠭᠤᠯᠤᠭᠰᠠᠨ ᠪᠠᠢᠨᠠ᠃ ᠲᠤᠰ ᠪᠥᠳᠦᠭᠡᠯᠦᠨ ᠬᠡᠪᠯᠡᠭᠳᠡᠭᠰᠡᠨᠨᠢ ᠮᠣᠩᠭᠤᠯ ᠦᠨᠳᠦᠰᠦᠳᠡᠨᠦ ᠤᠷᠠᠨ ᠵᠣᠬᠢᠶᠠᠯ ᠤᠷᠠᠯᠢᠭᠢ ᠰᠤᠨᠢᠷᠬᠠᠬᠤ᠂ ᠰᠤᠳᠤᠯᠬᠤ᠂ ᠵᠢᠭᠠᠨ ᠰᠤᠷᠭᠠᠯᠳᠠ ᠵᠢᠴᠢ ᠨᠡᠭᠡᠭᠡᠨ ᠠᠱᠢᠭᠯᠠᠬᠤᠳᠤ ᠳᠥᠭᠦᠮ ᠲᠥᠳᠠ ᠦᠵᠡᠬᠦᠯᠵᠤ᠂ ᠮᠣᠩᠭᠤᠯ ᠦᠨᠳᠦᠰᠦᠳᠡᠨᠦ ᠤᠷᠠᠨ ᠵᠣᠬᠢᠶᠠᠯᠤᠨ ᠬᠥᠭᠵᠢᠯᠳᠠᠳᠤ ᠴᠢᠬᠤᠯᠠ ᠳᠦᠯᠬᠢᠴᠠ ᠦᠢᠯᠡᠳᠦᠯ ᠦᠵᠡᠭᠦᠯᠬᠦ ᠪᠣᠯᠤᠨᠠ᠃
ᠨᠣᠮ ᠲᠠᠷᠬᠠᠭᠠᠬᠤ ᠶᠣᠰᠤᠯᠠᠯ ᠳᠠᠭᠤᠰᠤᠭᠰᠠᠨᠤ ᠳᠠᠷᠠᠭᠠ᠂ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠶᠠᠪᠤᠭᠳᠠᠵᠤ ᠪᠡᠭᠡᠵᠢᠩ ᠬᠦᠬᠡᠬᠤᠳᠠᠡᠴᠡ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠡᠷᠳᠡᠮᠳᠡᠨ ᠮᠡᠷᠭᠡᠳ ᠲᠤᠰ ᠨᠣᠮᠤᠨ ᠠᠴᠢ ᠬᠣᠯᠪᠤᠭᠳᠠᠯ ᠦᠨᠠ ᠥᠷᠳᠡᠭᠦᠨ ᠲᠣᠭᠤᠷᠢᠨᠳᠤ ᠤᠯᠤᠰ ᠲᠥᠷᠦ᠂ ᠡᠷᠳᠡᠮ ᠱᠢᠨᠵᠢᠯᠡᠭᠡᠨᠦ ᠦᠵᠡᠯ ᠪᠣᠳᠤᠯᠢᠶᠠᠨ ᠰᠣᠯᠢᠯᠴᠠᠭᠰᠠᠨ ᠪᠠᠢᠨᠠ᠃
ᠡᠷᠳᠡᠮᠳᠠᠳᠤᠨ ᠶᠠᠷᠢᠶᠠᠡᠴᠡ ᠰᠡᠢᠷᠡᠬᠦᠯᠪᠠᠯ᠄
ᠡᠷᠬᠢᠮᠪᠠᠶᠠᠷ (ᠥᠪᠤᠷ ᠮᠣᠩᠭᠤᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠳᠡᠳ ᠵᠠᠬᠢᠷᠤᠯ᠂ ᠫᠷᠤᠹᠧᠰᠰᠤᠷ)᠄
ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯ ᠪᠣᠯ ᠮᠣᠩᠭᠤᠯ ᠰᠤᠳᠤᠯᠤᠯᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠮᠥᠨ᠃ ᠲᠤᠰ ᠨᠣᠮᠤᠨ ᠬᠡᠪᠯᠡᠭᠳᠡᠭᠰᠡᠨᠨᠢ ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠵᠢᠭᠠᠨ ᠰᠤᠷᠭᠠᠯᠳᠠᠳᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ᠃ ᠤᠴᠢᠷᠨᠢ ᠪᠥᠬᠦ ᠤᠯᠤᠰᠲᠤ ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠤᠬᠠᠢ ᠮᠡᠷᠭᠡᠵᠢᠯᠦᠨ ᠵᠢᠩᠬᠢᠨᠢ ᠠᠩᠭᠢᠡᠴᠡ ᠳᠡᠭᠡᠭᠱᠢ ᠵᠢᠭᠠᠨ ᠰᠤᠷᠭᠠᠯᠳᠠᠲᠠᠢ ᠰᠤᠷᠭᠠᠭᠤᠯᠢ 12 ᠪᠠᠢᠨᠠ᠂ 4 ᠰᠤᠷᠭᠠᠭᠤᠯᠢᠨᠢ ᠳ᠋ᠤᠺᠲ᠋ᠤᠷᠠᠨᠲ ᠬᠥᠮᠦᠵᠢᠭᠦᠯᠬᠦ ᠡᠷᠬᠡᠲᠠᠢ᠂ ᠡᠢᠮᠦᠡᠴᠡ ᠡᠨᠡ 12 ᠰᠤᠷᠭᠠᠭᠤᠯᠢᠶᠢᠨ ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠱᠢᠨᠵᠢᠯᠡᠭᠡᠨᠤ ᠰᠠᠯᠠᠭᠠᠨᠤ ᠪᠥᠳᠦᠭᠡᠨ ᠪᠠᠢᠭᠤᠯᠤᠯᠳᠠᠳᠤ ᠮᠠᠱᠢ ᠳᠥᠭᠦᠮ ᠦᠵᠡᠭᠦᠯᠬᠦ ᠪᠣᠯᠤᠨᠠ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠮᠣᠩᠭᠤᠯ ᠰᠤᠳᠤᠯᠤᠯᠤᠨ ᠤᠯᠠᠨ ᠤᠯᠤᠰᠤᠨ ᠬᠠᠷᠢᠴᠠᠭᠠᠶᠢ ᠠᠬᠢᠭᠤᠯᠬᠤ᠂ ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠮᠠᠲᠧᠷᠢᠶᠠᠯᠤᠨ ᠴᠣᠭᠴᠠᠯᠠᠯᠲᠠᠶᠢ ᠠᠬᠢᠭᠤᠯᠬᠤᠳᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ᠃
ᠵᠢᠨ ᠬᠠᠢ (ᠥᠪᠤᠷ ᠮᠣᠩᠭᠤᠯᠤᠨ ᠨᠡᠢᠭᠡᠮᠦᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠳᠡᠳ ᠵᠠᠬᠢᠷᠤᠯ᠂ ᠰᠤᠳᠤᠯᠤᠭᠠᠴᠢ)᠄
ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠲᠡᠤᠬᠡ ᠰᠤᠳᠤᠯᠤᠯᠤᠨ ᠱᠢᠨᠵᠢᠯᠡᠭᠡᠨᠦ ᠰᠠᠯᠠᠭᠠᠨᠤ ᠪᠥᠳᠦᠭᠡᠨ ᠪᠠᠢᠭᠤᠯᠤᠯᠳᠠᠳᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ᠃ ᠲᠤᠰ ᠪᠥᠳᠦᠭᠡᠯ ᠪᠣᠯ ᠰᠠᠭᠤᠷᠢ ᠴᠤᠭᠴᠠᠯᠠᠯᠳᠠᠲᠠᠢ ᠬᠣᠯᠪᠤᠭᠳᠠᠨᠠ᠂ ᠪᠦᠷᠢᠨ ᠲᠡᠭᠦᠯᠳᠡᠷ᠂ ᠰᠡᠭᠦᠯᠦᠨ ᠦᠶᠠᠶᠢᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠡᠤᠬᠡᠶᠢᠨ ᠮᠠᠲᠧᠷᠢᠶᠠᠯᠤᠨ ᠴᠤᠭᠴᠠᠯᠠᠯᠳᠠ᠂ ᠪᠦᠬᠦᠢᠯᠡ ᠤᠷᠠᠨ ᠵᠣᠬᠢᠶᠠᠯᠤᠨ ᠱᠢᠨᠵᠢᠯᠡᠭᠡᠨᠦ ᠰᠠᠯᠠᠭᠠᠨᠤ ᠪᠠᠢᠭᠤᠯᠤᠯᠳᠠᠶᠢ ᠠᠬᠢᠭᠤᠯᠬᠤ᠂ ᠦᠨᠳᠦᠰᠦᠳᠠᠨᠤ ᠬᠥᠮᠦᠨᠯᠢᠭ ᠬᠡᠪ ᠴᠢᠨᠠᠷᠢ ᠳᠡᠭᠡᠭᠱᠢᠯᠡᠭᠦᠯᠬᠦ᠂ ᠰᠣᠶᠤᠯᠤᠨ ᠢᠲᠡᠭᠡᠯᠢ ᠳᠡᠭᠡᠭᠱᠢᠯᠡᠭᠦᠯᠬᠦ᠂ ᠦᠨᠳᠦᠰᠦᠳᠡᠨᠦ ᠰᠣᠶᠤᠯᠤᠨ ᠢᠳᠡᠭᠡᠯᠢ ᠴᠢᠩᠭ᠋ᠠᠷᠠᠭᠤᠯᠬᠤ᠂ ᠳᠤᠮᠳᠠᠳᠦᠶᠢᠨ ᠰᠣᠶᠤᠯᠤᠨ ᠬᠦᠴᠦᠨ᠂ ᠰᠣᠶᠤᠯᠤᠨ ᠨᠥᠯᠦᠭᠡᠶᠢ ᠳᠡᠯᠡᠬᠡᠢ ᠳᠠᠶᠠᠭᠠᠷᠲᠤ ᠥᠷᠭᠡᠳᠭᠡᠬᠦᠳᠦ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ᠃
ᠤᠩᠱᠢᠪᠤᠷᠢ᠄
《ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠡᠭᠡᠵᠢ》 ᠴᠤᠪᠤᠷᠠᠯ ᠨᠣᠮ 20 ᠪᠣᠳᠢ
1. ᠱᠢᠳᠢᠳᠦ ᠦᠯᠢᠭᠡᠷ᠂ ᠳᠣᠮᠤᠭ ᠶᠠᠷᠢᠶᠠ
2. ᠢᠷᠦᠭᠡᠯ ᠮᠠᠭᠳᠠᠭᠠᠯ᠂ ᠳᠣᠮ ᠱᠢᠪᠱᠢᠯᠭᠡ᠂ ᠳᠠᠢᠯᠭᠠ ᠳᠠᠬᠢᠯᠭᠠᠶᠢᠨ ᠦᠭᠡ
3. ᠤᠷᠲᠦ ᠲᠤᠤᠯᠢ
4. ᠣᠬᠤᠷ ᠲᠤᠤᠯᠢ
5. ᠠᠮᠠᠨ ᠦᠯᠢᠭᠡᠷ
6. ᠵᠦᠢᠷ ᠰᠠᠴᠡᠨ ᠦᠭᠡ᠂ ᠣᠨᠢᠰᠤᠭᠠ᠂ ᠠᠷᠠᠳᠤᠨ ᠳᠠᠭᠤᠤᠶᠢᠨ ᠦᠭᠡ
7. ᠬᠤᠭᠤᠷᠤᠨ ᠦᠯᠢᠭᠡᠷ (ᠨᠢᠭᠡ)
8. ᠬᠤᠭᠤᠷᠤᠨ ᠦᠯᠢᠭᠡᠷ (ᠬᠤᠶᠠᠷ)
9. ᠱᠢᠯᠦᠭ (ᠨᠢᠭᠡ)
10. ᠱᠢᠯᠦᠭ (ᠬᠤᠶᠠᠷ)
11. ᠨᠠᠮᠳᠠᠷᠤᠨ ᠴᠠᠳᠢᠭ (ᠨᠢᠭᠡ)
12. ᠨᠠᠮᠳᠠᠷᠤᠨ ᠴᠠᠳᠢᠭ (ᠬᠤᠶᠠᠷ)
13. ᠥᠭᠦᠯᠡᠯᠭᠡ (ᠨᠢᠭᠡ)
14. ᠥᠭᠦᠯᠡᠯᠭᠡ (ᠬᠤᠶᠠᠷ)
15. ᠳᠤᠭᠤᠵᠢ (ᠨᠢᠭᠡ)
16. ᠳᠤᠭᠤᠵᠢ (ᠬᠤᠶᠠᠷ)
17. ᠷᠣᠮᠠᠨ (ᠨᠢᠭᠡ)
18. ᠷᠣᠮᠠᠨ (ᠬᠤᠶᠠᠷ)
19. ᠷᠣᠮᠠᠨ (ᠭᠤᠷᠪᠠ)
20. ᠷᠣᠮᠠᠨ (ᠳᠦᠷᠪᠠ)
ᠥᠪᠤᠷ ᠮᠣᠩᠭᠤᠯᠤᠨ ᠡᠳᠦᠷᠦᠨ ᠰᠣᠨᠢᠨᠡᠴᠡ ᠱᠢᠯᠵᠢᠭᠦᠯᠦᠨ ᠨᠡᠢᠳᠡᠯᠡᠪᠠ
ᠨᠠᠢᠷᠠᠭᠤᠯᠤᠭᠴᠢ᠄ ᠱᠢᠯᠢᠨᠭᠡᠷᠡᠯ (ᠥᠪᠤᠷ ᠮᠣᠩᠭᠤᠯᠤᠨ ᠡᠳᠦᠷᠦᠨ ᠰᠣᠨᠢᠨᠤ ᠨᠠᠢᠷᠠᠭᠤᠯᠤᠭᠴᠢ)