26ᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠡᠭᠡᠵᠢᠩᠦᠨ ᠤᠯᠠᠨ ᠤᠯᠤᠰᠤᠨ ᠨᠣᠮ ᠪᠢᠴᠢᠭᠤᠨ ᠦᠵᠡᠰᠭᠦᠯᠡᠩ ᠵᠢᠴᠢ 17 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠡᠭᠡᠵᠢᠩᠦᠨ ᠤᠯᠠᠨ ᠤᠯᠤᠰᠤᠨ ᠨᠣᠮ ᠪᠢᠴᠢᠭᠤᠨ ᠨᠠᠢᠷᠤᠨ ᠴᠤᠭᠯᠠᠭᠠᠨ ᠪᠡᠭᠡᠵᠢᠩᠳᠤ ᠦᠪᠡᠳᠡᠭᠱᠢ ᠶᠡᠬᠡᠪᠡᠷ ᠶᠠᠪᠤᠭᠳᠠᠪᠠ᠃ ᠡᠨᠡ ᠤᠳᠠᠭᠠᠨᠤ ᠴᠤᠭᠯᠠᠭᠠᠨᠨᠢ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠬᠡᠪᠯᠡᠯᠦᠨ ᠬᠦᠷᠢᠶᠡᠨᠤ ᠰᠣᠶᠤᠯᠤᠨ ᠰᠣᠯᠢᠯᠴᠠᠭᠠᠶᠢ ᠢᠳᠡᠪᠬᠢᠳᠡᠢ ᠠᠬᠢᠭᠤᠯᠤᠨ᠂ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》ᠤᠨ ᠰᠠᠨᠠᠭᠠᠴᠢᠯᠠᠭᠠᠶᠢ ᠴᠤᠤᠷᠢᠶᠠᠳᠤᠨ ᠦᠢᠯᠡᠳᠦᠯᠭᠡᠵᠢᠭᠦᠯᠬᠦᠪᠡᠷ ᠭᠣᠤᠯ ᠵᠤᠷᠢᠯᠳᠠᠪᠠᠨ ᠪᠣᠯᠭᠠᠭᠰᠠᠨᠶᠤᠮ᠃ ᠡᠨᠡ ᠳᠣᠬᠢᠶᠠᠯᠢᠶᠠᠷ ᠳᠠᠮᠵᠢᠭᠤᠯᠤᠨ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠ᠂ ᠴᠠᠩ ᠵᠢᠶᠠᠩ ᠪᠠᠭᠠᠴᠤᠳ ᠬᠡᠦᠬᠡᠳᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠ᠂ ᠮᠣᠩᠭᠤᠯ ᠤᠯᠤᠰᠤᠨ ᠠᠨᠳᠠ ᠺᠣᠮᠫᠠᠨᠢ 8 ᠰᠠᠷᠠᠶᠢᠨ 22ᠤᠨ ᠦᠳᠡᠶᠢᠨ ᠡᠮᠦᠨᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠠᠨ ᠤᠯᠤᠰᠤᠨ ᠦᠵᠡᠰᠭᠦᠯᠡᠩᠤᠨ ᠲᠥᠪᠲᠦ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠴᠤᠪᠤᠷᠠᠯ ᠨᠣᠮᠢ ᠺᠢᠷᠢᠯᠢᠶᠠᠷ ᠬᠡᠪᠯᠡᠭᠦᠯᠬᠦ ᠬᠡᠪᠯᠡᠯᠦᠨ ᠡᠷᠬᠡᠶᠢᠨ ᠵᠥᠪᠱᠢᠶᠡᠷᠡᠯ ᠣᠯᠭᠤᠬᠤ ᠶᠣᠰᠤᠯᠠᠯᠢ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠪᠠᠢᠨᠠ᠃ ᠡᠨᠡ ᠪᠣᠯ ᠴᠠᠩ ᠵᠢᠶᠠᠩ ᠳᠠᠮᠵᠢᠭᠤᠯᠬᠤ ᠵᠠᠭᠤᠴᠢᠶᠢᠨ ᠪᠦᠯᠦᠭᠯᠡᠯ ᠪᠣᠯᠤᠨ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠬᠠᠮᠳᠤᠶᠢᠨ ᠴᠢᠷᠮᠠᠢᠯᠭᠠᠶᠢᠨ ᠦᠷᠡ ᠳ᠋ᠦᠩ᠂ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》ᠤᠨ ᠰᠠᠨᠠᠭᠠᠴᠢᠯᠠᠭᠠᠶᠢ ᠴᠤᠤᠷᠢᠶᠠᠳᠤᠨ ᠳᠠᠭᠠᠭᠰᠠᠨ ᠪᠤᠳᠠᠳᠤ ᠦᠢᠯᠡ ᠠᠵᠢᠯᠯᠠᠭᠠ᠂ ᠮᠦᠨᠴᠤ ᠪᠢᠳᠡᠨᠦ 《ᠭᠠᠳᠠᠭᠱᠢ ᠭᠠᠷᠭᠠᠬᠤ》 ᠬᠦᠭᠵᠢᠯᠳᠠᠶᠢᠨ ᠪᠠᠢᠯᠳᠤᠬᠤ ᠪᠣᠳᠤᠯᠭᠠᠶᠢᠨ ᠴᠢᠬᠤᠯᠠ ᠠᠷᠭᠠ ᠬᠡᠮᠵᠢᠶᠡ ᠪᠣᠯᠤᠨᠠ᠃
ᠦᠵᠡᠭᠦᠯᠭᠡᠶᠢᠨ ᠳᠢᠩᠭᠢᠮ ᠪᠦᠬᠦ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠡᠴᠡ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠤᠩᠱᠢᠭᠴᠢᠳ ᠪᠣᠯᠤᠨ ᠬᠡᠪᠯᠡᠯᠦᠨ ᠠᠵᠢᠯᠳᠠᠳᠢᠶᠠᠷ ᠳᠦᠭᠦᠷᠴᠦ ᠪᠠᠢᠯᠠ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠨᠡᠢᠭᠡᠮᠯᠢᠭᠦᠨ ᠪᠠᠢᠩᠭᠤᠶᠢᠨ ᠳᠡᠳ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠦᠨ ᠳᠠᠷᠤᠭᠠᠦ ᠱᠦ ᠯᠢᠨ᠂ ᠥᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠤᠨᠤ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰᠦᠨ ᠳᠡᠳ ᠳᠠᠷᠤᠭᠠ ᠦᠨᠡᠨᠴᠢ᠂ ᠬᠤᠪᠸᠢ ᠮᠤᠵᠢᠶᠢᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰᠦᠨ ᠳᠡᠳ ᠳᠠᠷᠤᠭᠠ ᠴᠸᠨ ᠱᠦ ᠯᠢᠨ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ᠂ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠱᠤᠸᠠᠩ ᠯᠦᠩ᠂ ᠴᠠᠩ ᠵᠢᠶᠠᠩ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯ᠂ ᠴᠠᠩ ᠵᠢᠶᠠᠩ ᠬᠡᠪᠯᠡᠯᠦᠨ ᠳᠠᠮᠵᠢᠭᠤᠯᠬᠤ ᠵᠠᠭᠤᠴᠢᠶᠢᠨ ᠬᠤᠪᠢ ᠣᠷᠤᠭᠤᠯᠤᠭᠰᠠᠨ ᠬᠢᠵᠠᠭᠠᠷᠳᠤ ᠺᠣᠮᠫᠠᠨᠢᠶᠢᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ᠂ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠴᠧᠨᠢ ᠭᠦᠤᠸ᠂ ᠴᠠᠩ ᠵᠢᠶᠠᠩ ᠬᠡᠪᠯᠡᠯᠦᠨ ᠳᠠᠮᠵᠢᠭᠤᠯᠬᠤ ᠵᠠᠭᠤᠴᠢᠶᠢᠨ ᠬᠤᠪᠢ ᠣᠷᠤᠭᠤᠯᠤᠭᠰᠠᠨ ᠬᠢᠵᠠᠭᠠᠷᠳᠤ ᠺᠣᠮᠫᠠᠨᠢᠶᠢᠨ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠴᠢᠦ ᠵᠢᠤᠢ ᠱᠸᠩ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭᠴᠢ ᠴᠡᠴᠡᠭ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠪᠠᠢᠩᠭᠤᠶᠢᠨ ᠳᠡᠳ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ᠂ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠳᠠᠷᠤᠭᠠ ᠦ᠊·ᠰᠣᠶᠤᠯ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭᠴᠢᠶᠢᠨ ᠳᠤᠰᠠᠯᠠᠭᠴᠢ᠂ ᠶᠡᠷᠦᠩᠬᠡᠢ ᠠᠵᠢᠯ ᠶᠠᠪᠤᠳᠠᠯᠤᠨ ᠬᠡᠯᠳᠡᠰᠦᠨ ᠡᠷᠬᠢᠯᠡᠭᠴᠢ ᠬᠤᠸᠠᠩ ᠲᠤᠤ᠂ ᠴᠠᠩ ᠵᠢᠶᠠᠩ ᠪᠠᠭᠠᠴᠤᠳ ᠬᠡᠦᠬᠡᠳᠦᠨ ᠬᠡᠪᠯᠡᠯᠤᠨ ᠬᠣᠷᠢᠶᠠᠨ (ᠪᠦᠯᠦᠭᠯᠡᠯ)ᠤ ᠬᠢᠵᠠᠭᠠᠷᠳᠤ ᠺᠣᠮᠫᠠᠨᠢᠶᠢᠨ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠡᠾᠸ ᠯᠦᠩ᠂ ᠮᠣᠩᠭᠤᠯ ᠤᠯᠤᠰᠤᠨ ᠠᠨᠳᠠ ᠺᠣᠮᠫᠠᠨᠢᠶᠢᠨ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠰᠠᠢᠯᠤᠩᠬᠤᠸᠠᠷ᠂ ᠬᠤᠪᠸᠢ ᠮᠤᠵᠢᠶᠢᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰᠦᠨ ᠬᠡᠪᠯᠡᠯᠦᠨ ᠬᠠᠮᠢᠶᠠᠷᠤᠯᠳᠠᠶᠢᠨ ᠭᠠᠵᠠᠷᠤᠨ ᠨᠢᠭᠡᠳᠦᠭᠡᠷ ᠳᠡᠰᠦᠨ ᠪᠠᠢᠴᠠᠭᠠᠨ ᠰᠤᠳᠤᠯᠤᠭᠴᠢ ᠬᠤ ᠯᠸᠢ᠂ ᠴᠠᠩ ᠵᠢᠶᠠᠩ ᠬᠡᠪᠯᠡᠯᠦᠨ ᠳᠠᠮᠵᠢᠭᠤᠯᠬᠤ ᠵᠠᠭᠤᠴᠢᠶᠢᠨ ᠬᠤᠪᠢ ᠣᠷᠤᠭᠤᠯᠤᠭᠰᠠᠨ ᠬᠢᠵᠠᠭᠠᠷᠳᠤ ᠺᠣᠮᠫᠠᠨᠢᠶᠢᠨ ᠬᠡᠪᠯᠡᠯᠦᠨ ᠠᠵᠢᠯᠤᠨ ᠬᠡᠯᠳᠡᠰᠦᠨ ᠳᠠᠷᠤᠭᠠ ᠯᠢ ᠱᠢᠶᠤᠤ ᠳ᠋ᠦᠩ᠂ ᠭᠠᠳᠠᠭᠠᠳᠤ ᠬᠠᠮᠳᠤᠷᠠᠯᠴᠠᠭᠠᠨᠤ ᠬᠡᠯᠳᠡᠰᠦᠨ ᠳᠠᠷᠤᠭᠠ ᠶᠠᠩ ᠺᠸᠨᠠᠷ ᠳᠤᠰ ᠤᠳᠠᠭᠠᠨᠤ ᠠᠵᠢᠯᠯᠠᠭᠠᠨᠳᠤ ᠣᠷᠤᠯᠴᠠᠪᠠ᠃
ᠪᠢᠳᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠣᠬᠢᠶᠠᠯᠴᠢᠳᠤᠨ ᠨᠡᠢᠭᠡᠮᠯᠢᠭᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠵᠥᠪᠯᠡᠯᠦᠨ ᠤᠤᠯᠤᠨ ᠳᠡᠳ ᠡᠷᠬᠢᠯᠡᠭᠴᠢ᠂ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠠᠯᠳᠠᠷᠳᠤ ᠵᠣᠬᠢᠶᠠᠯᠴᠢ ᠵᠠᠩ ᡁᠢ ᠯᠤ᠂ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠫᠷᠤᠹᠸᠰᠰᠤᠷ᠂ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠠᠯᠳᠠᠷᠳᠤ ᠵᠣᠬᠢᠶᠠᠯᠴᠢ ᠼᠤᠤ ᠸᠸᠨ ᠱᠢᠤᠸᠠᠨ᠂ ᠯᠤ ᠱᠢᠶᠦ᠋ᠨ ᠤᠳᠭᠠ ᠵᠣᠬᠢᠶᠠᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠳᠡᠳ ᠵᠠᠬᠢᠷᠤᠯ᠂ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠠᠯᠳᠠᠷᠳᠤ ᠵᠣᠬᠢᠶᠠᠯᠴᠢ ᠯᠢ ᠳ᠋ᠦᠩ ᠬᠤᠸᠠᠶᠢ ᠣᠨᠴᠠᠯᠠᠨ ᠤᠷᠢᠵᠦ᠂ ᠡᠨᠡ ᠤᠳᠠᠭᠠᠨᠤ ᠭᠠᠷᠤᠨ ᠦᠰᠦᠭ ᠵᠢᠷᠤᠬᠤ ᠶᠣᠰᠤᠯᠠᠯᠳᠤ ᠣᠷᠤᠯᠴᠠᠭᠤᠯᠪᠠ᠃
ᠬᠤᠷᠠᠯᠢ ᠴᠠᠩ ᠵᠢᠶᠠᠩ ᠬᠡᠪᠯᠡᠯᠦᠨ ᠳᠠᠮᠵᠢᠭᠤᠯᠬᠤ ᠵᠠᠭᠤᠴᠢᠶᠢᠨ ᠬᠤᠪᠢ ᠣᠷᠤᠭᠤᠯᠤᠭᠰᠠᠨ ᠬᠢᠵᠠᠭᠠᠷᠳᠤ ᠺᠣᠮᠫᠠᠨᠢᠶᠢᠨ ᠳᠡᠳ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠯᠢ ᠪᠢᠩ ᠡᠷᠬᠢᠯᠡᠪᠡ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠨᠠᠢᠬᠡᠮᠯᠢᠭᠦᠨ ᠪᠠᠢᠩᠭᠤᠶᠢᠨ ᠳᠡᠳ ᠡᠷᠬᠢᠯᠡᠭᠴᠢᠳᠦᠨ ᠳᠠᠷᠤᠭᠠ ᠡᠤ ᠱᠦ ᠯᠢᠨ᠂ ᠬᠤᠪᠸᠢᠶᠢᠨ ᠴᠠᠩ ᠵᠢᠶᠠᠩ ᠬᠡᠪᠯᠡᠯᠦᠨ ᠳᠠᠮᠵᠢᠭᠤᠯᠬᠤ ᠵᠠᠭᠤᠴᠢᠶᠢᠨ ᠪᠦᠯᠦᠭᠯᠡᠯᠦᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ᠂ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠴᠸᠨᠢ ᠭᠦᠤᠸ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ᠂ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠱᠤᠸᠠᠩ ᠯᠦᠩ᠂ ᠬᠤᠪᠸᠢ ᠮᠤᠵᠢᠶᠢᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰᠦᠨ ᠳᠡᠳ ᠳᠠᠷᠤᠭᠠ ᠴᠸᠨ ᠱᠦ ᠯᠢᠨ᠂ ᠥᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠤᠨᠤ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰᠦᠨ ᠳᠡᠳ ᠳᠠᠷᠤᠭᠠ᠂ ᠺᠢᠨᠤ᠋ᠶᠢᠨ ᠳᠤᠪᠴᠢᠶᠠᠨᠤ ᠳᠠᠷᠤᠭᠠ ᠦᠨᠡᠨᠴᠢ᠂ ᠮᠣᠩᠭᠤᠯ ᠤᠯᠤᠰᠤᠨ ᠠᠨᠳᠠ ᠺᠣᠮᠫᠠᠨᠢᠶᠢᠨ ᠰᠠᠩᠵᠠᠢ ᠳᠤᠰ ᠲᠤᠰ ᠤᠬᠤᠷ ᠡᠷᠴᠢᠮᠯᠢᠭ ᠶᠠᠷᠢᠶᠠ ᠳᠠᠯᠪᠢᠵᠠᠢ᠃
ᠤᠳᠤᠷᠢᠳᠤᠯᠭᠠᠨᠠᠷᠡᠴᠡ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠴᠤᠪᠤᠷᠠᠯ ᠨᠣᠮᠤᠨ ᠺᠢᠷᠢᠯ ᠮᠣᠩᠭᠤᠯ ᠦᠰᠦᠭᠦᠨ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠭᠠᠳᠠᠭᠱᠢ ᠭᠠᠷᠭᠠᠬᠤ ᠠᠵᠢᠯᠯᠠᠭᠠᠳᠤ ᠬᠦᠰᠡᠯ ᠵᠥᠩᠨᠡᠯᠢᠶᠠᠨ ᠳᠡᠪᠱᠢᠭᠦᠯᠪᠡ᠃ ᠳᠤᠮᠳᠠᠳᠤ ᠤᠯᠤᠰ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠰᠣᠩᠭᠤᠳᠠᠭ ᠪᠣᠯᠤᠭᠰᠠᠨ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》ᠨᠢ ᠥᠪᠡᠷᠮᠢᠴᠡ ᠤᠷᠠᠯᠢᠭᠤᠨ ᠷᠢᠳᠢ ᠱᠢᠳᠢ ᠪᠠ ᠭᠤᠸᠠ ᠳᠠᠭᠠᠱᠢᠶᠠᠯᠤᠨ ᠣᠨᠴᠠᠯᠢᠭᠢᠶᠠᠷᠢᠶᠡᠨ ᠣᠳᠤ ᠦᠶᠡᠶᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠱᠢᠯᠢᠳᠡᠭ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠴᠢᠳᠤᠨ ᠵᠣᠬᠢᠶᠠᠨ ᠪᠦᠳᠦᠬᠡᠬᠦ ᠬᠡᠪ ᠨᠠᠮᠪᠠᠶᠢ ᠢᠯᠡᠷᠡᠭᠦᠯᠵᠦ᠂ ᠦᠶᠡ ᠦᠶᠡᠶᠢᠨ ᠬᠡᠦᠬᠡᠳ ᠪᠠᠭᠠᠴᠤᠳᠤᠨ ᠤᠬᠠᠭᠠᠨ ᠪᠢᠯᠢᠭᠢ ᠤᠮᠳᠠᠯᠠᠭᠰᠠᠠᠶᠤᠮ᠃ ᠡᠢᠮᠦᠡᠴᠡ ᠲᠤᠰ ᠴᠤᠪᠤᠷᠠᠯ ᠨᠣᠮᠢ ᠭᠠᠳᠠᠭᠱᠢ ᠭᠠᠷᠭᠠᠬᠤᠨᠢ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠨᠡᠩ ᠥᠷᠭᠡᠨ ᠬᠡᠪᠴᠢᠶᠡ᠂ ᠨᠡᠩ ᠥᠨᠳᠦᠷ ᠳᠡᠭᠳᠡᠷᠤᠨ ᠰᠣᠶᠤᠯᠤᠨ ᠰᠣᠯᠢᠯᠴᠠᠭᠠᠶᠢ ᠠᠬᠢᠭᠤᠯᠵᠦ᠂ ᠨᠥᠬᠦᠷᠰᠡᠭ ᠬᠥᠷᠱᠢᠶᠢᠨ ᠬᠠᠷᠢᠴᠠᠭᠠᠶᠢ ᠦᠨᠢᠳᠡ ᠠᠬᠢᠭᠤᠯᠤᠨ ᠬᠦᠨᠵᠡᠬᠡᠢᠷᠡᠬᠦᠯᠬᠦᠨᠢ ᠯᠠᠪᠳᠠᠢ᠃
ᠦ ᠱᠦ ᠯᠢᠨ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》ᠦᠨ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠭᠠᠳᠠᠭᠱᠢ ᠭᠠᠷᠭᠠᠬᠤᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠡᠯᠡᠬᠡᠢᠳᠡᠬᠢ ᠨᠥᠯᠦᠭᠡᠯᠡᠬᠦ ᠬᠦᠴᠦᠨᠢ ᠴᠢᠩᠭ᠋ᠠᠳᠭᠠᠵᠦ᠂ ᠮᠣᠩᠭᠤᠯ ᠤᠯᠤᠰᠤᠨ ᠤᠩᠱᠢᠭᠴᠢᠳ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠱᠢᠯᠢᠳᠡᠭ ᠪᠦᠳᠦᠬᠡᠯᠢ ᠣᠢᠯᠠᠭᠠᠨ ᠳᠠᠨᠢᠬᠤᠳᠤ ᠠᠱᠢᠭᠳᠠᠢ᠂ ᠡᠪᠯᠢᠭ ᠤᠨᠤᠪᠴᠢᠳᠠᠢ ᠤᠷᠴᠢᠭᠤᠯᠵᠦ᠂ ᠨᠡᠩ ᠠᠯᠤᠰ ᠬᠡᠳᠦᠶᠢᠨ ᠨᠥᠯᠦᠭᠡ ᠭᠠᠷᠭᠠᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ᠃
ᠦᠨᠡᠨᠴᠢ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ ᠬᠡᠪᠯᠡᠯᠦᠨ ᠦᠢᠯᠡᠰᠦᠨ ᠠᠵᠢᠯ ᠨᠢᠬᠡᠳᠡᠳ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠡᠭᠦᠷᠭᠡᠯᠡᠨ ᠵᠢᠳᠭᠦᠵᠦ᠂ ᠳᠤᠮᠳᠠᠳᠤᠶᠢᠨ ᠦᠯᠢᠭᠡᠷᠢ ᠰᠠᠢᠳᠤᠷ ᠶᠠᠷᠢᠵᠦ᠂ ᠳᠤᠮᠳᠠᠳᠤᠶᠢᠨ ᠳᠠᠭᠤᠨᠢ ᠳᠠᠭᠤᠷᠢᠰᠭᠠᠨ᠂ ᠦᠨᠡᠨ ᠪᠤᠳᠠᠳᠤ᠂ ᠪᠣᠰᠤᠭᠠ ᠴᠤᠭᠴᠠᠳᠤ᠂ ᠪᠦᠬᠦ ᠲᠠᠯᠠᠶᠢᠨ ᠳᠤᠮᠳᠠᠳᠤ ᠤᠯᠤᠰᠢ ᠳᠠᠯᠡᠬᠡᠢ ᠳ᠋ᠡᠬᠢᠨᠡ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠳᠤᠮᠳᠠᠳᠤᠶᠢᠨ ᠰᠣᠶᠤᠯᠤᠨ ᠤᠯᠠᠮᠵᠢᠯᠠᠨ ᠳᠡᠯᠭᠡᠷᠡᠬᠦᠶᠢ ᠳᠦᠯᠬᠢᠨ ᠠᠬᠢᠭᠤᠯᠬᠤ ᠬᠡᠷᠡᠭᠳᠡᠢ᠃
ᠴᠸᠨ ᠱᠦ ᠯᠢᠨ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》ᠨᠢ ᠠᠵᠢᠯ ᠳᠥᠷᠦᠯᠤᠨ ᠳᠤᠳᠤᠭᠠᠳᠤᠳᠤ ᠥᠨᠳᠦᠷ ᠪᠠᠢᠷᠢ ᠰᠠᠭᠤᠷᠢ ᠪᠦᠬᠦᠢ ᠱᠢᠯᠢᠳᠡᠭ ᠵᠣᠬᠢᠶᠠᠯ ᠪᠦᠳᠦᠬᠡᠯᠤ᠋ᠳᠢᠶᠠᠷ ᠪᠦᠷᠢᠯᠳᠦᠵᠦ᠂ ᠳᠡᠬᠦᠨᠦ ᠺᠢᠷᠢᠯ ᠮᠣᠩᠭᠤᠯ ᠦᠰᠦᠭᠦᠨ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠭᠠᠳᠠᠭᠱᠢ ᠭᠠᠷᠭᠠᠬᠤ ᠫᠷᠤᠭ᠌ᠷᠠᠮ ᠪᠣᠯ ᠤᠯᠤᠰᠤᠨ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》ᠤᠨ ᠰᠠᠨᠠᠭᠠᠴᠢᠯᠠᠭᠠᠶᠢ ᠳᠤᠭᠤᠱᠢᠯᠠᠭᠤᠯᠬᠤ ᠵᠣᠷᠢᠯᠭᠠᠡᠴᠡ ᠰᠡᠳᠦᠨ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠭᠠᠳᠠᠭᠠᠳᠤ ᠬᠠᠨᠳᠤᠯᠭᠠᠳᠤ ᠬᠡᠪᠯᠡᠯᠦᠨ ᠴᠢᠬᠤᠯᠠ ᠨᠢᠭᠡᠨ ᠢᠨᠵᠧᠨᠧᠷᠢᠩ ᠪᠣᠯᠬᠤᠶᠤᠮ᠃ ᠮᠠᠨᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠪᠠᠶᠠᠨ ᠰᠠᠩᠳᠤ ᠰᠠᠭᠤᠷᠢᠯᠠᠨ ᠪᠣᠰᠤᠭᠰᠠᠨ ᠪᠡᠯᠭᠡ ᠳᠡᠮᠳᠡᠭ ᠪᠦᠬᠦᠢ ᠡᠳᠡᠭᠡᠷ ᠪᠦᠳᠦᠬᠡᠯ ᠤᠯᠤᠰᠤᠨ ᠳᠤᠳᠤᠭᠠᠳᠤᠳᠤ ᠭᠦᠨ ᠬᠦᠷᠢᠶᠡᠯᠡᠯ ᠤᠯᠬᠤᠪᠡᠷ ᠪᠠᠷᠠᠬᠤᠦᠭᠡᠢ ᠳᠤᠮᠳᠠᠳᠤ ᠮᠣᠩᠭᠤᠯ ᠬᠤᠶᠠᠷ ᠤᠯᠤᠰᠤᠨ ᠤᠩᠱᠢᠭᠴᠢᠳᠢ ᠬᠣᠯᠪᠤᠭᠰᠠᠨ ᠰᠣᠶᠤᠯᠤᠨ ᠬᠥᠭᠦᠷᠭᠡ ᠪᠤᠯᠵᠦ᠂ ᠮᠣᠩᠭᠤᠯ ᠤᠯᠤᠰᠡᠴᠡ ᠳᠤᠮᠳᠠᠳᠤᠶᠢᠨ ᠰᠣᠶᠤᠯᠢ ᠨᠡᠩ ᠣᠢᠷᠠ ᠵᠠᠢᠡᠴᠡ ᠣᠢᠯᠠᠭᠠᠨ ᠳᠠᠨᠢᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠣᠶᠤᠨᠤ ᠳᠦᠷᠢ ᠳᠥᠷᠬᠦᠶᠢ ᠠᠵᠢᠭᠯᠠᠬᠤ ᠴᠢᠬᠤᠯᠠ ᠴᠣᠩᠬᠤ ᠪᠣᠯᠤᠨᠠ ᠭᠡᠳᠡᠭᠢ ᠢᠳᠡᠬᠡᠵᠦ ᠪᠠᠢᠨᠠ᠃
ᠱᠤᠸᠠᠩ ᠯᠦᠩ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠪᠣᠯ ᠥᠨᠢ ᠤᠳᠠᠭᠠᠨ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨᠨᠡᠷᠡ ᠳᠡᠮᠳᠡᠭ᠂ ᠥᠷᠭᠡᠨ ᠳᠡᠯᠭᠡᠷ ᠪᠥᠭᠡᠳ ᠠᠯᠤᠰ ᠬᠡᠳᠦᠶᠢᠨ ᠢᠷᠠᠭᠤ ᠳᠠᠭᠤᠷᠢᠰᠭᠠᠯᠲᠠᠢ᠃ ᠡᠨᠡ ᠤᠳᠠᠭᠠᠨᠤ ᠭᠡᠷᠡ ᠳᠤᠭᠳᠠᠭᠠᠬᠤ ᠠᠵᠢᠯᠯᠠᠭᠠ ᠪᠣᠯ ᠬᠤᠶᠡᠷ ᠳᠣᠮᠤ ᠪᠦᠯᠦᠭᠯᠡᠯᠡᠴᠡ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》ᠤᠨ ᠰᠠᠨᠠᠭᠠᠴᠢᠯᠠᠭᠠᠶᠢ ᠦᠢᠯᠡᠳᠦᠯᠭᠡᠵᠢᠭᠦᠯᠵᠦ᠂ ᠭᠠᠷ ᠬᠣᠯᠪᠤᠨ 《ᠭᠠᠳᠠᠭᠱᠢ ᠭᠠᠷᠭᠠᠬᠤ》ᠶᠢ ᠨᠠᠢᠳᠠᠪᠤᠷᠢᠵᠢᠭᠤᠯᠤᠭᠰᠠᠨ ᠴᠢᠬᠤᠯᠠ ᠦᠷᠡ ᠪᠦᠳᠦᠬᠡᠯ ᠪᠠᠢᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠱᠢᠯᠢᠳᠡᠭ ᠪᠦᠳᠦᠬᠡᠯ ᠳᠡᠯᠡᠬᠡᠢ ᠵᠦᠭ ᠵᠠᠮᠨᠠᠬᠤ ᠶᠠᠪᠤᠴᠠᠳᠡᠬᠢ ᠢᠳᠡᠪᠬᠢᠳᠡᠢ ᠰᠦᠪᠡᠭᠴᠢᠯᠡᠯᠳᠡ ᠪᠣᠯᠤᠨᠠ᠃
ᠴᠸᠨᠢ ᠭᠦᠤᠸ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ ᠡᠨᠡ ᠤᠳᠠᠭᠠ ᠴᠠᠩ ᠵᠢᠶᠠᠩ ᠪᠠᠭᠠᠴᠤᠳ ᠬᠡᠦᠬᠡᠳᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠ ᠪᠣᠯᠤᠨ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯ᠂ ᠮᠣᠩᠭᠤᠯ ᠤᠯᠤᠰᠤᠨ ᠠᠨᠳᠠ ᠺᠣᠮᠫᠠᠨᠢ ᠬᠠᠮᠳᠤᠷᠠᠵᠦ᠂ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》ᠦᠨ ᠺᠢᠷᠢᠯ ᠮᠣᠩᠭᠤᠯ ᠦᠰᠦᠭᠦᠨ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠭᠠᠳᠠᠭᠱᠢ ᠭᠠᠷᠭᠠᠬᠤ ᠠᠵᠢᠯᠯᠠᠭᠠᠳᠤ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠳᠡᠨᠦ ᠱᠢᠯᠢᠳᠡᠭ ᠰᠣᠶᠤᠯᠢ ᠤᠯᠠᠮᠵᠢᠯᠠᠨ᠂ ᠦᠨᠳᠦᠰᠦᠳᠡᠨᠦ ᠰᠦᠭ ᠰᠦᠯᠳᠡᠶᠢ ᠪᠠᠳᠠᠷᠠᠭᠠᠵᠦ᠂ ᠣᠳᠤ ᠦᠶᠡᠶᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠱᠢᠯᠢᠳᠡᠭ ᠵᠣᠬᠢᠶᠠᠯᠴᠢᠳᠤᠨ ᠵᠣᠬᠢᠶᠠᠨ ᠪᠦᠳᠦᠬᠡᠬᠦ ᠬᠡᠪ ᠨᠠᠮᠪᠠᠶᠢ ᠢᠯᠡᠷᠡᠭᠦᠯᠦᠭᠰᠡᠨ ᠰᠣᠳᠤᠨ ᠪᠦᠳᠦᠬᠡᠯᠦ᠋ᠳᠢ ᠮᠣᠩᠭᠤᠯ ᠤᠯᠤᠰᠤᠨ ᠤᠩᠱᠢᠭᠴᠢᠳᠤᠨ ᠬᠠᠷᠠᠭᠠᠨᠳᠤ ᠣᠷᠤᠭᠤᠯᠤᠯᠠ᠃ ᠡᠨᠡᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠤᠯᠤᠨ ᠭᠠᠳᠠᠭᠠᠳᠤᠳᠡᠬᠢ ᠨᠥᠯᠦᠭᠡᠯᠡᠬᠦ ᠬᠦᠴᠦᠨᠢ ᠥᠷᠭᠡᠳᠭᠡᠵᠦ᠂ ᠳᠡᠯᠡᠬᠡᠢᠶᠢᠨ ᠡᠯᠡ ᠤᠯᠤᠰᠤᠨ ᠤᠩᠱᠢᠭᠴᠢᠳᠲᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠱᠢᠯᠢᠳᠡᠭ ᠪᠦᠳᠦᠬᠡᠯᠤ᠋ᠳᠢ ᠳᠠᠨᠢᠭᠤᠯᠤᠨ᠂ ᠮᠠᠨᠤ ᠤᠯᠤᠰᠤᠨ ᠪᠠᠭᠠᠴᠤᠳ ᠬᠡᠦᠬᠡᠳᠦᠨ ᠬᠡᠪᠯᠡᠭᠳᠡᠬᠦᠨᠦ ᠤᠯᠠᠨ ᠤᠯᠤᠰᠤᠨ ᠬᠡᠪᠯᠡᠭᠳᠡᠬᠦᠨᠦ ᠵᠠᠬᠠ ᠳᠡᠯᠭᠡᠭᠦᠷᠳᠡᠬᠢ ᠥᠷᠢᠰᠦᠯᠳᠦᠭᠦ ᠬᠦᠴᠦᠨ ᠪᠠ ᠨᠥᠯᠦᠭᠡᠯᠡᠬᠦ ᠬᠦᠴᠦᠨᠢ ᠥᠷᠭᠡᠳᠭᠡᠬᠦᠳᠤ ᠳᠤᠰᠠᠳᠠᠢ᠃
《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》ᠤᠨ ᠵᠣᠬᠢᠶᠠᠯᠴᠢᠳᠤᠨ ᠳᠦᠯᠦᠭᠡᠯᠡᠭᠴᠢᠶᠢᠨ ᠬᠤᠪᠢᠪᠡᠷ ᠵᠠᠩ ᡁᠢ ᠯᠤ ᠨᠢᠭᠡ ᠪᠠᠭᠴᠠ ᠠᠷᠪᠠᠢᠶᠢᠨ ᠴᠡᠴᠡᠭᠢᠶᠡᠷ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》ᠳᠤ ᠴᠢᠩ ᠰᠡᠳᠭᠢᠯᠦᠨ ᠬᠦᠰᠡᠯ ᠵᠥᠩᠨᠡᠯᠢᠶᠡᠨ ᠳᠡᠪᠱᠢᠭᠦᠯᠪᠡ᠃
ᠼᠤᠤ ᠸᠸᠨ ᠱᠢᠤᠸᠠᠨ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠮᠤᠭᠤᠨ ᠱᠢᠯᠢᠳᠡᠭ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯ ᠪᠣᠯ ᠳᠠᠷᠤᠢ ᠳᠡᠯᠡᠬᠡᠢᠶᠢᠨ ᠳᠦᠪᠱᠢᠨᠦ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯ ᠮᠦᠨ ᠭᠡᠵᠦ ᠪᠢ ᠪᠠᠳᠤ ᠢᠳᠡᠬᠡᠨᠡ᠃ ᠣᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯ ᠶᠠᠭ 《ᠠᠯᠬᠤᠨ ᠭᠠᠷᠬᠤ》ᠡᠴᠡ 《ᠠᠯᠬᠤᠨ ᠣᠷᠤᠬᠤ》 ᠵᠦᠭ ᠳᠠᠪᠱᠢᠵᠦ ᠪᠠᠢᠨᠠ᠃ ᠡᠢᠮᠦᠶᠢᠨ ᠳᠤᠯᠠᠳᠠ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠦᠨᠡᠨᠬᠦ ᠮᠣᠩᠭᠤᠯ ᠪᠢᠴᠢᠬᠠᠨ ᠤᠩᠱᠢᠭᠴᠢᠳᠤᠨ ᠰᠡᠳᠭᠢᠯᠳᠤ ᠠᠯᠬᠤᠨ ᠣᠷᠤᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ᠃
ᠯᠢ ᠳ᠋ᠦᠩ ᠬᠤᠸᠠ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠥᠨᠳᠦᠷᠴᠡ ᠪᠠ ᠥᠷᠭᠡᠴᠡᠶᠢ ᠳᠦᠯᠦᠬᠡᠯᠡᠵᠦ ᠪᠤᠢ᠂ ᠡᠭᠦᠨᠤ ᠳᠤᠳᠤᠷᠠ ᠳᠡᠯᠡᠬᠡᠢᠶᠢᠨ ᠳᠦᠪᠱᠢᠨᠤ ᠪᠦᠳᠦᠬᠡᠯᠦ᠋ᠳ ᠤᠯᠠᠨ ᠪᠠᠭᠳᠠᠵᠦ᠂ ᠣᠢᠷᠠᠶᠢᠨ ᠵᠢᠯᠳᠤ ᠨᠡᠩᠴᠤ ᠳᠠᠰᠤᠷᠠᠯᠳᠠ ᠦᠬᠡᠢ 《ᠭᠠᠳᠠᠭᠱᠢ ᠭᠠᠷᠴᠤ》 ᠪᠠᠢᠨᠠ᠃ ᠨᠢᠭᠡᠨ ᠵᠣᠬᠢᠶᠠᠯᠴᠢᠶᠢᠨ ᠬᠤᠪᠢᠡᠴᠡ ᠪᠢ ᠡᠳᠡᠭᠡᠷ ᠤᠷᠠᠨ ᠪᠦᠳᠦᠬᠡᠯᠦᠨ ᠥᠨᠳᠦᠷ ᠠᠮᠵᠢᠯᠳᠠᠶᠢ ᠦᠵᠡᠭᠡᠳ ᠣᠮᠤᠭ ᠪᠠᠬᠠᠳᠤᠨ ᠰᠡᠳᠭᠢᠯ ᠳᠤᠭᠳᠤᠯᠵᠦ ᠪᠠᠢᠨᠠ᠃ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠬᠣᠢᠱᠢᠳᠠ ᠳᠡᠯᠡᠬᠡᠢᠶᠢᠨ ᠡᠯᠡ ᠭᠠᠵᠠᠷᠤᠨ ᠨᠡᠩ ᠤᠯᠠᠨ ᠤᠩᠱᠢᠭᠴᠢᠳᠲᠠᠢ ᠪᠣᠯᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ᠃
ᠰᠠᠩᠵᠠᠢ ᠢᠯᠡᠷᠬᠡᠢᠯᠡᠭᠰᠡᠨᠨᠢ᠂ ᠡᠨᠡ ᠤᠳᠠᠭᠠᠨᠤ ᠭᠡᠷᠡ ᠳᠤᠭᠳᠠᠬᠤ ᠠᠵᠢᠯᠯᠠᠭᠠᠨᠢ ᠬᠡᠦᠬᠡᠳᠦᠨ ᠨᠣᠮ ᠪᠢᠴᠢᠭᠤᠨ ᠴᠢᠬᠤᠯᠠ ᠰᠣᠯᠢᠯᠴᠠᠭᠠ ᠬᠠᠮᠳᠤᠷᠠᠯᠴᠠᠭᠠ ᠪᠣᠯᠬᠤᠪᠡᠷ ᠪᠠᠷᠠᠬᠤᠦᠭᠡᠢ ᠮᠥᠨᠴᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯ ᠮᠣᠩᠭᠤᠯ ᠤᠯᠤᠰᠤᠨ ᠤᠩᠱᠢᠭᠴᠢᠳᠲᠠᠢ ᠵᠤᠯᠭᠠᠵᠦ᠂ ᠮᠣᠩᠭᠤᠯ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠤᠳᠭᠠ ᠰᠠᠨᠠᠭᠠ ᠠᠭᠤᠯᠤᠭᠳᠠᠬᠤᠨᠢ ᠳᠡᠯᠭᠡᠨ ᠨᠡᠭᠡᠭᠡᠭᠰᠡᠨᠦ ᠴᠢᠬᠤᠯᠠ ᠪᠡᠯᠭᠡ ᠳᠡᠮᠳᠡᠭ ᠪᠣᠯᠤᠨᠠ᠃ ᠡᠨᠡᠨᠢ ᠮᠣᠩᠭᠤᠯ ᠤᠯᠤᠰᠤᠨ ᠤᠩᠱᠢᠭᠴᠢᠳᠡᠴᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠬᠦᠭᠵᠢᠯᠳᠠᠶᠢᠨ ᠲᠡᠦᠬᠡᠶᠢ ᠣᠢᠯᠠᠭᠠᠬᠤ ᠬᠥᠭᠦᠷᠭᠡ ᠪᠣᠯᠬᠤᠪᠡᠷ ᠦᠯᠦ ᠪᠠᠷᠠᠮ ᠨᠡᠩᠴᠤ ᠳᠤᠮᠳᠠᠳᠤ ᠮᠣᠩᠭᠤᠯ ᠬᠤᠶᠠᠷ ᠤᠯᠤᠰᠤᠨ ᠰᠣᠶᠤᠯᠤᠨ ᠰᠣᠯᠢᠯᠴᠠᠭᠠᠨᠤ ᠨᠠᠨᠳᠢᠨ ᠮᠥᠴᠡ ᠪᠣᠯᠬᠤᠶᠤᠮ᠃
ᠴᠠᠩ ᠵᠢᠶᠠᠩ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠᠨ (ᠪᠦᠯᠦᠭᠯᠡᠯ)ᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶᠢᠨ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠾᠸ ᠯᠦᠩ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠪᠠᠢᠩᠭᠤᠶᠢᠨ ᠳᠡᠳ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ᠂ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠳᠠᠷᠤᠭᠠ ᠦ᠊·ᠰᠣᠶᠤᠯ᠂ ᠮᠣᠩᠭᠤᠯ ᠤᠯᠤᠰᠤᠨ ᠠᠨᠳᠠ ᠺᠣᠮᠫᠠᠨᠢᠶᠢᠨ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠰᠠᠢᠯᠤᠩᠬᠤᠸᠠᠷ ᠬᠠᠮᠳᠤᠪᠡᠷ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠴᠤᠪᠤᠷᠠᠯ ᠨᠣᠮᠤᠨ ᠺᠢᠷᠢᠯ ᠮᠣᠩᠭᠤᠯ ᠦᠰᠦᠭᠦᠨ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠭᠠᠳᠠᠭᠱᠢ ᠭᠠᠷᠭᠠᠬᠤ ᠬᠡᠯᠡᠯᠴᠡᠭᠡᠷᠲᠦ ᠭᠠᠷᠤᠨ ᠦᠰᠦᠭ ᠵᠢᠷᠤᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳᠦᠨ ᠤᠷᠠᠨ ᠵᠣᠬᠢᠶᠠᠯᠤᠨ ᠳᠡᠯᠡᠬᠡᠢ ᠵᠦᠭ ᠵᠠᠮᠨᠠᠵᠦ᠂ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠤᠩᠱᠢᠭᠴᠢᠳᠲᠤ ᠰᠣᠶᠤᠯᠤᠨ ᠬᠥᠭᠦᠷᠭᠡ ᠳᠠᠯᠪᠢᠬᠤᠳᠤ ᠴᠢᠬᠤᠯᠠ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠡᠨᠡ ᠤᠳᠠᠭᠠ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠳᠤᠳᠤᠷᠠᠡᠴᠡ ᠼᠤᠤ ᠸᠸᠨ ᠱᠢᠤᠸᠠᠨᠤ 《ᠣᠪᠤᠬᠠᠢ》᠂ ᠱᠤᠸᠠᠩ ᠱᠢ ᠰᠢᠶᠢᠨ 《ᠴᠢᠨ᠋ᠸᠠ ᠸᠠᠩᠤᠨ ᠵᠡᠭᠦᠳᠦ》᠂ ᠵᠠᠩ ᡁᠢ ᠯᠤᠶᠢᠨ 《ᠭᠤᠷᠪᠠᠳᠤᠭᠠᠷ ᠠᠷᠮᠢ》᠂ ᠵᠠᠩ ᠲᠢᠶᠠᠨᠢᠶᠢᠨ 《ᠡᠷᠳᠡᠨᠢᠶᠢᠨ ᠬᠤᠯᠤᠶᠢᠨ ᠨᠢᠭᠤᠴᠠ》᠂ᠵᠢᠨ ᠪᠦᠤᠸᠶᠢᠨ 《ᠴᠣᠩᠬᠤᠪᠠᠨ ᠨᠡᠬᠡᠬᠡᠬᠦᠶᠡ ᠴᠢ ᠬᠠᠷᠠᠭᠳᠠᠨᠠ》᠂ ᠭᠤᠤ ᠬᠣᠩ ᠪᠦᠤᠸᠶᠢᠨ 《ᠪᠠᠬᠠᠷᠬᠠᠯᠢ ᠳᠠᠳᠠᠭᠰᠠᠨ ᠦᠨᠡᠭᠡ》᠂ ᠵᠤᠤ ᠯᠢ ᠬᠣᠩᠤᠨ 《ᠪᠠᠭᠠ ᠨᠠᠰᠤᠨᠤ ᠭᠣᠷᠤᠭᠠ》᠂ ᠯᠢ ᠳ᠋ᠦᠩ ᠬᠤᠸᠠᠶᠢᠨ 《ᠸᠸᠢᠯᠠᠶᠢᠨ ᠴᠡᠩᠭᠡᠷ ᠤᠭᠳᠠᠷᠭᠤᠢ》᠂ ᠳ᠋ᠧᠨᠭ ᠱᠢᠶᠠᠩ ᠽᠢᠶᠢᠨ 《ᠦᠯᠢᠶᠡᠬᠦ ᠰᠠᠯᠬᠢᠨ ᠱᠢᠭ ᠵᠢᠷᠢᠯᠵᠡᠨᠡ》᠂ ᠰᠦᠨ ᠢᠸᠦ ᠵᠢᠶᠦ᠋ᠨᠦ 《ᠪᠢᠴᠢᠬᠠᠨ ᠬᠡᠦᠬᠡᠯᠳᠡᠢᠶᠢᠨ ᠬᠠᠴᠢᠨ ᠤᠴᠠᠷᠠᠯ》 ᠬᠡᠭᠦ ᠠᠷᠪᠠᠨ ᠨᠣᠮᠢ ᠰᠣᠩᠭᠤᠨ ᠺᠢᠷᠢᠯ ᠮᠣᠩᠭᠤᠯ ᠦᠰᠦᠭᠲᠦ ᠣᠷᠴᠢᠭᠤᠯᠤᠨ᠂ ᠮᠣᠩᠭᠤᠯ ᠤᠯᠤᠰᠤᠨ ᠤᠩᠱᠢᠭᠴᠢᠳᠲᠤ ᠬᠦᠷᠳᠡᠭᠡᠬᠦᠪᠡᠷ ᠪᠤᠢ᠃
ᠪᠢᠳᠡ 《ᠵᠠᠭᠤᠨ ᠵᠢᠯᠤᠨ ᠵᠠᠭᠤᠨ ᠪᠦᠳᠦᠬᠡᠯ》 ᠴᠤᠪᠤᠷᠠᠯ ᠨᠣᠮᠢ ᠺᠢᠷᠢᠯᠢᠶᠠᠷ ᠬᠡᠪᠯᠡᠭᠦᠯᠬᠦ ᠬᠡᠪᠯᠡᠯᠦᠨ ᠡᠷᠬᠡᠳᠤ ᠵᠥᠪᠱᠢᠶᠡᠷᠡᠯ ᠣᠯᠭᠤᠬᠤ ᠳᠣᠬᠢᠶᠠᠯᠢ ᠠᠱᠢᠭᠯᠠᠨ᠂ ᠱᠢᠯᠢᠳᠡᠭ ᠵᠣᠬᠢᠶᠠᠯᠴᠢ ᠪᠠ ᠵᠣᠬᠢᠶᠠᠯ ᠪᠦᠳᠦᠬᠡᠯᠳᠤ ᠤᠯᠠᠨ ᠤᠯᠤᠰᠤᠨ ᠰᠣᠯᠢᠯᠴᠠᠭᠠᠨᠤ ᠳᠠᠪᠴᠠᠩ ᠬᠠᠩᠭᠠᠨ᠂ ᠤᠯᠠᠨ ᠤᠯᠤᠰᠤᠨ ᠰᠣᠶᠤᠯᠤᠨ ᠰᠣᠯᠢᠯᠴᠠᠭᠠ ᠬᠠᠮᠳᠤᠷᠠᠯᠴᠠᠭᠠ᠂ ᠰᠣᠶᠤᠯᠤᠨ ᠳᠠᠶᠠᠩᠴᠢᠯᠠᠯᠳᠠ᠂ ᠤᠯᠠᠨ ᠶᠠᠩᠵᠤᠴᠢᠯᠠᠯᠳᠠ ᠪᠠ ᠳᠡᠯᠬᠡᠷᠡᠯᠳᠡᠶᠢ ᠠᠬᠢᠭᠤᠯᠬᠤᠪᠡᠷ ᠴᠢᠷᠮᠠᠢᠵᠦ ᠪᠠᠢᠨᠠ᠃ ᠡᠨᠡᠨᠢ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯ ᠪᠣᠯᠤᠨ ᠮᠣᠩᠭᠤᠯ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠬᠢᠨᠦ ᠰᠣᠶᠤᠯᠤᠨ ᠰᠣᠯᠢᠯᠴᠠᠭᠠ ᠪᠠ ᠬᠠᠮᠳᠤᠷᠠᠯᠴᠠᠭᠠᠶᠢ ᠥᠷᠭᠡᠳᠭᠡᠨ ᠲᠡᠯᠡᠬᠦᠳᠤ ᠠᠱᠢᠭᠳᠠᠢᠪᠡᠷ ᠪᠠᠷᠠᠬᠤᠦᠭᠡᠢ ᠳᠤᠳᠤᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠰᠣᠶᠤᠯᠤᠨ ᠠᠭᠤᠰᠤᠯᠴᠠᠯ᠂ ᠠᠷᠠᠳ ᠤᠯᠠᠨᠤ ᠣᠢᠯᠠᠭᠠᠯᠴᠠᠯ ᠨᠡᠪᠳᠡᠷᠡᠯᠴᠡᠯᠳᠤ ᠱᠢᠨᠡ ᠬᠥᠭᠦᠷᠭᠡ ᠳᠠᠯᠪᠢᠵᠦ ᠥᠭᠬᠦᠨᠢ ᠯᠠᠪᠳᠠᠢᠶᠤᠮ᠃ ᠪᠢᠳᠡᠨᠦ ᠬᠠᠮᠳᠤᠶᠢᠨ ᠴᠢᠷᠮᠠᠢᠯᠭᠠ ᠮᠠᠨᠢ ᠳᠤᠮᠳᠠᠳᠤ ᠤᠯᠤᠰ ᠴᠢᠨᠠᠭᠱᠢᠯᠠᠭᠠᠳ ᠳᠡᠯᠡᠬᠡᠢᠶᠢᠨ ᠰᠣᠶᠤᠯᠤᠨ ᠴᠡᠴᠡᠭᠯᠡᠯᠳᠠ ᠬᠦᠭᠵᠢᠯᠳᠠᠶᠢ ᠳᠦᠯᠬᠢᠨ ᠠᠬᠢᠭᠤᠯᠬᠤ ᠪᠤᠯᠳᠤᠭᠠᠢ᠃
ᠣᠷᠴᠢᠭᠤᠯᠤᠭᠴᠢ᠄ ᠲᠡᠷᠭᠡᠯ
