8 ᠰᠠᠷᠠᠶᠢᠨ 22ᠤᠨ ᠡᠳᠦᠷ ᠠᠯᠤᠰᠤᠨᠪᠠᠷᠠ ᠬᠡᠪᠯᠡᠯᠦᠨ ᠬᠣᠷᠢᠶᠠᠶᠢᠨ 《ᠯᠢ ᠱᠢ ᠵᠸᠨᠦ ᠦᠯᠢᠭᠡᠷ》 《ᠯᠢ ᠰᠧ ᠭᠤᠸᠠᠩᠤᠨ ᠦᠯᠢᠭᠡᠷ》 ᠤᠨ ᠺᠢᠷᠢᠯ ᠮᠣᠩᠭᠤᠯ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠮᠣᠩᠭᠤᠯ ᠤᠯᠤᠰᠲᠤ ᠭᠠᠷᠭᠠᠬᠤ ᠭᠡᠷᠡ ᠳᠤᠭᠳᠠᠬᠤ ᠶᠣᠰᠤᠯᠠᠯᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠠᠨ ᠤᠯᠤᠰᠤᠨ ᠦᠵᠡᠰᠭᠦᠯᠡᠩᠦᠨ ᠲᠥᠪᠲᠦ ᠶᠠᠪᠤᠭᠳᠠᠭᠤᠯᠪᠠ᠃
ᠠᠯᠤᠰᠤᠨᠪᠠᠷᠠ ᠬᠡᠪᠯᠡᠯᠦᠨ ᠬᠣᠷᠢᠶᠠ ᠪᠣᠯᠤᠨ ᠮᠣᠩᠭᠤᠯ ᠤᠯᠤᠰᠤᠨ Bizway LLC 《ᠯᠢ ᠱᠢ ᠵᠸᠨᠦ ᠦᠯᠢᠭᠡᠷ》 《ᠯᠢ ᠰᠧ ᠭᠤᠸᠠᠩᠤᠨ ᠦᠯᠢᠭᠡᠷ》 ᠤᠨ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠭᠠᠳᠠᠭᠱᠢ ᠭᠠᠷᠭᠠᠬᠤ ᠳᠤᠬᠠᠢ ᠭᠡᠷᠡ ᠳᠤᠭᠳᠠᠵᠦ ᠪᠠᠢᠨᠠ᠃
ᠥᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠤᠨᠤ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰᠦᠨ ᠳᠡᠳ᠋ ᠳᠠᠷᠤᠭᠠ᠂ ᠺᠢᠨᠤ᠋ᠶᠢᠨ ᠳᠤᠪᠴᠢᠶᠠᠨᠤ ᠳᠠᠷᠤᠭᠠ ᠦᠨᠡᠨᠴᠢ; ᠥᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠤᠨᠤ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰᠦᠨ ᠬᠡᠪᠯᠡᠯ ᠳᠠᠷᠤᠮᠠᠯᠯᠠᠯ ᠳᠠᠷᠬᠠᠭᠠᠯᠳᠠᠶᠢᠨ ᠬᠡᠯᠳᠡᠰᠦᠨ ᠳᠠᠷᠤᠭᠠ ᠸᠠᠩ ᠶᠢᠩ ᠵᠦᠩ; ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ᠂ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠳᠠᠷᠤᠭᠠ ᠱᠤᠸᠠᠩ ᠯᠦᠩ; ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭᠴᠢ ᠴᠡᠴᠡᠭ; ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠪᠠᠢᠩᠭᠤᠶᠢᠨ ᠳᠡᠳ᠋ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ᠂ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠳᠠᠷᠤᠭᠠ ᠰᠣᠶᠤᠯ; ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭᠴᠢᠶᠢᠨ ᠳᠤᠰᠠᠯᠠᠭᠴᠢ᠂ ᠶᠡᠷᠦᠩᠬᠡᠢ ᠠᠵᠢᠯ ᠶᠠᠪᠤᠳᠠᠯᠤᠨ ᠬᠡᠯᠳᠡᠰᠦᠨ ᠡᠷᠬᠢᠯᠡᠭᠴᠢ ᠬᠤᠸᠠᠩ ᠲᠤᠤ; ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠶᠡᠷᠦᠩᠬᠡᠢ ᠠᠵᠢᠯ ᠶᠠᠪᠤᠳᠠᠯᠤᠨ ᠬᠡᠯᠳᠡᠰᠦᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠯᠢᠦ ᠱᠢᠰᠠᠨ; ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠨᠠᠮᠤᠨ ᠶᠡᠷᠦᠩᠬᠡᠢ ᠡᠭᠦᠷᠦᠨ ᠱᠦᠵᠢ ᠰᠠᠢᠯᠤᠩᠬᠤᠸᠠᠷ; ᠥᠪᠦᠷ ᠮᠣᠩᠭᠤᠯᠤᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠳᠠᠷᠤᠭᠠ ᠪᠠᠳᠤᠪᠠᠶᠠᠷ; ᠠᠯᠤᠰᠤᠨᠪᠠᠷᠠ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠳᠠᠷᠤᠭᠠ ᠭᠦᠸᠧ ᡁᠢ ᠴᠤᠤ; ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠳᠡᠳ᠋ ᠳᠠᠷᠤᠭᠠ ᠢᠪᠡᠭᠡᠯᠳᠦ; ᠮᠣᠩᠭᠤᠯ ᠤᠯᠤᠰᠤᠨ Bizway ᠪᠦᠷᠢᠨ ᠪᠤᠰᠤ ᠬᠠᠷᠢᠭᠤᠴᠠᠯᠭᠠᠳᠤ ᠺᠣᠮᠫᠠᠨᠢᠶᠢᠨ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠪ᠊·ᠴᠢᠩᠪᠠᠭᠠᠳᠤᠷ; ᠮᠣᠩᠭᠤᠯ ᠤᠯᠤᠰᠤᠨ Bizway ᠪᠦᠷᠢᠨ ᠪᠤᠰᠤ ᠬᠠᠷᠢᠭᠤᠴᠠᠯᠭᠠᠳᠤ ᠺᠣᠮᠫᠠᠨᠢᠶᠢᠨ ᠵᠢᠷᠤᠭ ᠳᠦᠰᠦᠪᠯᠡᠯᠦᠨ ᠬᠡᠯᠳᠡᠰᠦᠨ ᠳᠠᠷᠤᠭᠠ ᠊ᠪ᠊·ᠡᠩᠬᠡᠳᠦᠱᠢᠭᠨᠠᠷ ᠭᠡᠷᠡ ᠳᠤᠭᠳᠠᠬᠤ ᠠᠵᠢᠯᠯᠠᠭᠠᠨᠳᠤ ᠣᠷᠤᠯᠴᠠᠪᠠ᠃
ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭᠴᠢᠶᠢᠨ ᠳᠤᠰᠠᠯᠠᠭᠴᠢ᠂ ᠶᠡᠷᠦᠩᠬᠡᠢ ᠠᠵᠢᠯ ᠶᠠᠪᠤᠳᠠᠯᠤᠨ ᠬᠡᠯᠳᠡᠰᠦᠨ ᠡᠷᠬᠢᠯᠡᠭᠴᠢ ᠬᠤᠸᠠᠩ ᠲᠤᠤ ᠬᠤᠷᠠᠯᠢ ᠡᠷᠬᠢᠯᠡᠪᠡ᠃
ᠠᠯᠤᠰᠤᠨᠪᠠᠷᠠ ᠬᠡᠪᠯᠡᠯᠦᠨ ᠬᠣᠷᠢᠶᠠ ᠣᠢᠷᠠᠶᠢᠨ ᠵᠢᠯᠡᠴᠡ ᠨᠠᠭᠠᠱᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠤᠯᠢ ᠭᠠᠳᠠᠭᠱᠢ ᠭᠠᠷᠭᠠᠬᠤᠳᠤ ᠬᠦᠴᠦᠯᠡᠨ ᠴᠢᠷᠮᠠᠢᠵᠦ᠂ ᠤᠯᠤᠰᠤᠨ 《ᠭᠠᠳᠠᠭᠱᠢ ᠭᠠᠷᠭᠠᠬᠤ》 ᠪᠠᠢᠯᠳᠤᠬᠤ ᠪᠣᠳᠤᠯᠭᠠᠶᠢᠨ ᠳᠤᠭᠤᠷᠢᠨᠳᠤ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠤᠨ ᠰᠠᠨᠠᠭᠠᠴᠢᠯᠠᠭᠠᠶᠢ ᠦᠢᠯᠡᠳᠦᠯᠭᠡᠵᠢᠭᠦᠯᠦᠨ᠂ ᠦᠨᠳᠦᠰᠦᠳᠡᠨᠦ ᠰᠣᠶᠤᠯ᠂ ᠠᠮᠢ ᠠᠬᠤᠢᠶᠢᠨ ᠰᠣᠶᠤᠯ᠂ ᠱᠢᠯᠢᠳᠡᠭ ᠬᠥᠮᠦᠰᠦᠨ ᠦᠢᠯᠡ ᠠᠵᠢᠯᠯᠠᠭᠠ ᠵᠡᠷᠭᠡ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠳᠡᠨᠦ ᠣᠨᠴᠠᠯᠢᠭ ᠪᠦᠬᠦᠢ ᠰᠣᠶᠤᠯᠤᠨ ᠱᠢᠯᠢᠳᠡᠭ ᠬᠡᠪᠯᠡᠯᠦᠨ ᠡᠬᠢ ᠪᠠᠶᠠᠯᠢᠭᠢ ᠦᠷᠭᠦᠯᠵᠢᠯᠡᠨ ᠬᠦᠨᠵᠡᠬᠡᠢ ᠠᠭᠤᠳᠠᠯᠤᠨ᠂ ᠦᠵᠡᠯᠳᠡ ᠣᠢᠯᠠᠭᠠᠭᠳᠠᠬᠤᠨᠢᠶᠠᠨ ᠱᠢᠨᠡᠴᠢᠯᠠᠨ᠂ ᠤᠯᠠᠨ ᠲᠠᠯᠠᠶᠢᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ᠂ ᠱᠢᠯᠢᠳᠡᠭ ᠪᠦᠳᠦᠬᠡᠯᠦᠨ ᠬᠡᠪᠯᠡᠯᠦᠨ ᠡᠷᠬᠡᠶᠢ ᠳᠠᠳᠠᠨ ᠣᠷᠤᠭᠤᠯᠬᠤ ᠪᠠ ᠭᠠᠳᠠᠭᠱᠢ ᠭᠠᠷᠭᠠᠬᠤ ᠠᠵᠢᠯᠢ ᠳᠦᠯᠬᠢᠨ ᠠᠬᠢᠭᠤᠯᠵᠦ᠂ ᠤᠮᠠᠷᠠᠱᠢ ᠨᠡᠭᠡᠭᠡᠬᠦ 《ᠬᠥᠭᠦᠷᠭᠡᠨ ᠪᠡᠬᠢᠯᠡᠯᠳᠡ》 ᠶᠢᠨ ᠦᠢᠯᠡᠳᠦᠯᠢ ᠪᠠᠳᠠᠷᠠᠭᠤᠯᠬᠤᠳᠤ ᠢᠳᠡᠪᠬᠢᠳᠡᠢ ᠣᠷᠤᠯᠴᠠᠨ ᠵᠢᠳᠭᠦᠵᠦ ᠪᠤᠢ᠃
ᠡᠨᠡ ᠤᠳᠠᠭᠠᠨᠤ ᠭᠡᠷᠡ ᠲᠤᠭᠳᠠᠬᠤᠳᠤ ᠰᠣᠩᠭᠤᠨ ᠣᠷᠤᠭᠤᠯᠤᠭᠰᠠᠨ ᠪᠦᠳᠦᠬᠡᠯ 《ᠯᠢ ᠱᠢ ᠵᠸᠨᠦ ᠦᠯᠢᠭᠡᠷ》 《ᠯᠢ ᠰᠧ ᠭᠤᠸᠠᠩᠤᠨ ᠦᠯᠢᠭᠡᠷ》 ᠪᠣᠯ 《ᠳᠤᠮᠳᠠᠳᠤᠶᠢᠨ ᠱᠢᠯᠢᠳᠡᠭ ᠦᠯᠢᠭᠡᠷ》 ᠳᠤᠳᠤᠷᠠᠬᠢ ᠭᠠᠷᠮᠠᠭᠠᠢ ᠳᠦᠯᠦᠭᠡᠯᠡᠭᠴᠢ ᠪᠦᠳᠦᠬᠡᠯᠦ᠋ᠳ ᠪᠣᠯᠤᠨᠠ᠃ ᠳᠡᠳᠡᠨᠦ ᠦᠯᠢᠭᠡᠷ ᠪᠠ ᠳᠦᠯᠦᠭᠡᠯᠡᠭᠴᠢ ᠪᠦᠳᠦᠬᠡᠯᠨᠢ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠳᠡᠨᠦ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠣᠶᠤᠯᠢ ᠬᠤᠷᠢᠶᠠᠩᠭᠤᠢᠯᠠᠨ ᠳᠤᠰᠭᠠᠵᠦ᠂ ᠠᠭᠤᠯᠭᠠᠶᠢᠨ ᠬᠤᠪᠢᠳᠤ ᠬᠥᠮᠦᠰᠢ ᠤᠷᠮᠠᠱᠢᠭᠤᠯᠤᠨ ᠤᠷᠤᠭᠱᠢ ᠳᠠᠪᠱᠢᠭᠤᠯᠳᠠᠭ ᠵᠥᠪ ᠡᠨᠧᠷᠬᠢᠪᠡᠷ ᠳᠦᠭᠦᠷᠡᠩ ᠪᠣᠯᠬᠤᠷ ᠬᠥᠮᠦᠰᠦᠨ ᠰᠡᠳᠭᠢᠯᠳᠤ ᠬᠠᠳᠠᠩᠱᠢᠭᠰᠠᠨ ᠴᠠᠭ ᠦᠶᠡᠶᠢᠨ ᠰᠣᠩᠭᠤᠳᠠᠭ ᠪᠦᠳᠦᠬᠡᠯ ᠪᠣᠯᠵᠠᠢ᠃ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠵᠢᠨ ᠫᠢᠩ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠤᠨ ᠤᠯᠠᠨ ᠤᠯᠤᠰᠤᠨ ᠬᠠᠮᠳᠤᠷᠠᠨ ᠠᠵᠢᠯᠯᠠᠬᠤ ᠳᠦᠷᠦᠬᠦᠴᠦᠳᠦᠨ ᠶᠠᠷᠢᠯᠴᠠᠭᠠᠨᠤ ᠲᠠᠪᠴᠠᠩᠳᠤ ᠢᠯᠡᠳᠭᠡᠯ ᠬᠢᠬᠦᠳᠤᠪᠠᠨ᠄ 《ᠤᠯᠤᠰᠤᠨ ᠬᠠᠷᠢᠯᠴᠠᠭᠠ ᠠᠨᠤ ᠠᠷᠠᠳᠤᠨ ᠢᠳᠡᠬᠡᠯᠴᠡᠯᠳᠤᠨᠢ ᠠᠮᠤᠢ᠂ ᠠᠷᠠᠳᠤᠨ ᠢᠳᠡᠬᠡᠯᠴᠡᠯ ᠢᠨᠦ ᠰᠡᠳᠭᠢᠯᠦᠨ ᠨᠡᠪᠳᠡᠷᠡᠯᠴᠡᠯᠳ᠋ᠦᠷ ᠠᠮᠤᠢ》 ᠭᠡᠪᠡ᠃ ᠠᠷᠠᠳ ᠤᠯᠠᠨᠤ ᠰᠡᠳᠭᠢᠯᠦᠨ ᠨᠡᠪᠳᠡᠷᠡᠯᠴᠡᠯ᠂ ᠰᠣᠶᠤᠯᠤᠨ ᠣᠢᠯᠠᠭᠠᠯᠴᠠᠯ ᠪᠣᠯ ᠵᠠᠩᠭᠢᠯᠠᠭᠠ ᠪᠣᠯᠤᠨᠠ᠃
ᠡᠨᠡ ᠤᠳᠠᠭᠠᠨᠤ ᠠᠯᠤᠰᠤᠨᠪᠠᠷᠠ ᠬᠡᠪᠯᠡᠯᠦᠨ ᠬᠣᠷᠢᠶᠠ ᠪᠣᠯᠤᠨ ᠮᠣᠩᠭᠤᠯ ᠤᠯᠤᠰᠤᠨ Bizway LLCᠤᠨ ᠬᠠᠮᠳᠤᠷᠠᠨ ᠠᠵᠢᠯᠯᠠᠯᠳᠠᠨᠢ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯ ᠪᠣᠯᠤᠨ ᠮᠣᠩᠭᠤᠯ ᠤᠯᠤᠰᠤᠨ ᠬᠡᠪᠯᠡᠯᠦᠨ ᠬᠢᠨᠤ ᠰᠣᠶᠤᠯᠤᠨ ᠰᠣᠯᠢᠯᠴᠠᠭᠠ ᠪᠠ ᠬᠠᠮᠳᠤᠷᠠᠨ ᠠᠵᠢᠯᠯᠠᠯᠳᠠᠶᠢ ᠲᠡᠯᠡᠨ ᠬᠥᠭᠵᠢᠭᠦᠯᠬᠦᠳᠤ ᠠᠱᠢᠭᠳᠠᠢ ᠨᠥᠬᠦᠴᠡᠯ ᠬᠠᠩᠭᠠᠭᠰᠠᠨ ᠮᠦᠷᠳᠡᠬᠡᠨ ᠳᠤᠮᠳᠠᠳᠤ ᠭᠠᠳᠠᠭᠠᠳᠤᠶᠢᠨ ᠰᠣᠶᠤᠯᠤᠨ ᠢᠳᠡᠭᠡᠱᠢᠯ᠂ ᠠᠷᠠᠳᠤᠨ ᠰᠡᠳᠭᠢᠯᠤᠨ ᠨᠡᠪᠳᠡᠷᠡᠯᠴᠡᠯᠳᠤ ᠱᠢᠨᠡ ᠬᠥᠭᠦᠷᠭᠡ ᠬᠣᠯᠪᠤᠭᠠᠰᠤ ᠡᠭᠦᠳᠴᠦ ᠥᠭᠴᠡᠢ᠃ ᠲᠡᠷᠡᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠤᠯᠢ 《ᠭᠠᠳᠠᠭᠱᠢ ᠭᠠᠷᠭᠠᠵᠦ》 ᠂ ᠳᠡᠯᠡᠬᠡᠢᠶᠢᠨ ᠬᠡᠪᠴᠢᠶᠡᠨᠡ ᠳᠤᠮᠳᠠᠳᠤᠶᠢᠨ ᠳᠠᠭᠤᠨᠢ ᠳᠠᠭᠤᠷᠢᠰᠤᠭᠤᠯᠵᠦ᠂ ᠳᠤᠮᠳᠠᠳᠤᠶᠢᠨ ᠦᠯᠢᠭᠡᠷᠢ ᠰᠠᠢᠬᠠᠨ ᠶᠠᠷᠢᠵᠦ᠂ ᠳᠡᠯᠡᠬᠡᠢ ᠳᠡᠭᠡᠷᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠳᠦᠷᠦᠶᠢᠨ ᠳᠥᠷᠬᠦᠶᠢ ᠳᠡᠭᠡᠭᠱᠢᠯᠡᠭᠦᠯᠦᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠤᠯᠤᠨ ᠵᠥᠭᠡᠯᠡᠨ ᠪᠤᠳᠠᠳᠤ ᠬᠦᠴᠦᠨᠢ ᠳᠡᠭᠡᠭᠱᠢᠯᠡᠭᠦᠯᠬᠦᠳᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢᠶᠤᠮ᠃
