2020 ᠣᠨᠤ 7 ᠰᠠᠷᠠᠶᠢᠨ 13ᠦ ᠡᠳᠤᠷᠤᠨ ᠦᠳᠡᠶᠢᠨ ᠡᠮᠦᠨᠡ᠂ ᠦᠪᠦᠷ ᠮᠤᠩᠭᠤᠯᠤᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠᠨᠠᠴᠠ ᠡᠷᠬᠢᠯᠡᠭᠰᠡᠨ 《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩ》ᠤᠨ ᠬᠦᠱᠢᠭᠡ ᠰᠡᠬᠦᠬᠦ ᠶᠤᠰᠤᠯᠠᠯ ᠤᠯᠠᠭᠠᠨᠬᠠᠳᠠ ᠬᠤᠳᠠᠳᠤ ᠦᠪᠡᠳᠡᠭᠱᠢ ᠶᠡᠬᠡᠪᠠᠷ ᠶᠠᠪᠤᠭᠳᠠᠯᠠ᠃
《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩ》 ᠪᠣᠯ ᠦᠪᠦᠷ ᠮᠣᠩᠭᠤᠯᠤᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠᠨᠠᠴᠠ ᠪᠦᠳᠦᠭᠡᠨ ᠴᠣᠭᠴᠠᠯᠠᠵᠤ ᠪᠦᠬᠦᠢ 《ᠣᠩᠱᠢᠬᠤᠢ ᠰᠣᠨᠤᠰᠭᠤᠢᠶᠢᠨ ᠲᠠᠪᠴᠠᠩᠢ ᠴᠣᠭᠴᠠᠯᠠᠵᠤ᠂ ᠦᠭᠡᠳᠡᠯᠡᠬᠦᠢ ᠰᠤᠶᠤᠯᠵᠢᠬᠤᠢᠶᠢᠨ ᠱᠢᠮᠠᠶᠢ ᠤᠯᠠᠮᠵᠢᠯᠠᠬᠤ》 ᠵᠤᠷᠢᠯᠲᠠᠪᠡᠷ ᠦᠷᠭᠡᠨ ᠤᠯᠠᠨ ᠬᠡᠷᠡᠭᠯᠡᠭᠴᠢᠳᠲᠤᠪᠠᠨ ᠬᠠᠨᠳᠤᠭᠤᠯᠤᠭᠰᠠᠨ ᠮᠤᠩᠭᠤᠯ ᠨᠤᠮ ᠰᠤᠨᠤᠰᠭᠤ ᠳᠠᠪᠴᠠᠩ ᠪᠣᠯᠬᠤ ᠪᠦᠭᠡᠳ ᠮᠣᠩᠭᠤᠯ ᠨᠣᠮ ᠬᠡᠪᠯᠡᠯᠤᠨ ᠠᠭᠤᠰᠤᠯᠴᠠᠯ ᠬᠦᠭᠵᠢᠯᠤᠨ ᠴᠢᠬᠤᠯᠠ ᠦᠷᠡ ᠪᠦᠲᠦᠭᠡᠯ ᠪᠤᠯᠤᠨᠠ᠃ ᠲᠡᠷᠡᠨᠢ ᠥᠪᠦᠷ ᠮᠣᠩᠭᠤᠯᠤᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠᠨᠤ ᠬᠢᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨᠤ ᠮᠣᠩᠭᠤᠯ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭᠤᠨ ᠰᠤᠷᠠᠭ ᠵᠠᠩᠭᠢᠴᠢᠯᠠᠯᠲᠠᠶᠢᠨ ᠫᠷᠤᠵᠸᠺᠲ ᠪᠣᠯᠬᠤ 《ᠮᠣᠩᠭᠤᠯ ᠬᠡᠦᠬᠡᠳᠤᠨ ᠰᠣᠩᠭᠤᠳᠠᠭ ᠠᠮᠠᠨ ᠵᠣᠬᠢᠶᠠᠯᠤᠨ ᠳᠠᠭᠤᠲᠤ ᠡᠬᠢ ᠪᠠᠶᠠᠯᠢᠭᠤᠨ ᠬᠥᠮᠦᠷᠭᠡ ᠪᠠᠢᠭᠤᠯᠬᠤ ᠵᠢᠴᠢ ᠭᠣᠤᠯ ᠮᠡᠷᠭᠡᠵᠢᠯᠤᠨ ᠰᠤᠳᠤᠯᠭᠠ》᠂ 《ᠵᠠᠯᠠᠭᠤ ᠪᠠᠭᠠᠴᠤᠳᠤᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠢᠷᠭᠡᠨᠱᠢᠯᠦᠨ ᠳᠠᠭᠤᠲᠤ ᠡᠬᠢ ᠪᠠᠶᠠᠯᠢᠭᠤᠨ ᠬᠥᠮᠦᠷᠭᠡ ᠪᠠᠢᠭᠤᠯᠬᠤ ᠵᠢᠴᠢ ᠭᠣᠤᠯ ᠮᠡᠷᠭᠡᠵᠢᠯᠤᠨ ᠰᠤᠳᠤᠯᠭᠠ》ᠶᠢ 2014 ᠣᠨ ᠪᠠ 2016 ᠣᠨᠳᠤ ᠲᠤᠰ ᠲᠤᠰ ᠳᠠᠭᠠᠭᠠᠴᠢᠯᠠᠨ ᠪᠡᠶᠡᠯᠡᠭᠦᠯᠦᠭᠰᠡᠨ 
ᠰᠠᠭᠤᠷᠢᠨ ᠳᠡᠭᠡᠷᠡ ᠪᠠᠢᠭᠤᠯᠤᠭᠰᠠᠨ ᠲᠣᠮᠤ ᠬᠡᠪᠴᠢᠶᠡᠨᠤ ᠮᠣᠩᠭᠤᠯ ᠰᠣᠨᠤᠰᠳᠠᠭ ᠨᠣᠮᠤᠨ APP ᠲᠠᠪᠴᠠᠩ ᠪᠣᠯᠬᠤᠶᠤᠮ᠃
ᠦᠪᠦᠷ ᠮᠣᠩᠭᠤᠯᠤᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠ APP ᠡᠭᠦᠳᠬᠦ᠂ ᠰᠦᠯᠵᠢᠶᠡᠨ ᠥᠷᠲᠡᠭᠡ ᠪᠠᠢᠭᠤᠯᠬᠤ᠂ ᠬᠡᠰᠡᠭ ᠳᠠᠭᠤᠲᠤ ᠡᠬᠢ ᠪᠠᠶᠠᠯᠢᠭ ᠪᠦᠲᠦᠭᠡᠬᠦ ᠪᠠ ᠰᠦᠯᠵᠢᠶᠡᠨᠦᠨᠡᠷᠡ ᠪᠦᠷᠢᠳᠬᠡᠭᠦᠯᠬᠦ᠂ ᠮᠧᠩ ᠳ᠋ᠦᠩ ᠡᠭᠦᠯᠡᠨᠴᠢᠷᠲᠤ ᠣᠷᠤᠭᠤᠯᠤᠨ ᠲᠣᠬᠢᠷᠠᠭᠤᠯᠬᠤ ᠵᠡᠷᠭᠡ ᠠᠵᠢᠯᠢ ᠪᠡᠶᠡᠯᠡᠭᠦᠯᠦᠭᠡᠳ 2018 ᠣᠨᠤ 8 ᠰᠠᠷᠠᠳᠤ ᠠᠩᠬᠠᠳᠠᠭᠴᠢ ᠬᠤᠭᠤᠴᠠᠭᠠᠨᠤ 《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩ》ᠢᠶᠡᠨ ᠠᠵᠢᠯᠯᠠᠭᠤᠯᠵᠠᠢ᠃ ᠭᠡᠪᠡᠴᠦ ᠠᠩᠬᠠᠳᠠᠭᠴᠢ ᠬᠤᠭᠤᠴᠠᠭᠠᠨᠤ ᠢᠨᠵᠸᠨ᠋ᠸᠷᠢᠩᠢᠶᠡᠷ ᠪᠦᠲᠦᠭᠡᠭᠰᠡᠨ ᠲᠠᠪᠴᠠᠩᠳᠤ ᠪᠠᠰᠠ ᠨᠡᠯᠢᠶᠡᠳ ᠳᠤᠲᠠᠭᠳᠠᠯᠲᠠᠢ ᠪᠠᠢᠭᠰᠠᠨᠢᠶᠠᠷ ᠥᠷᠭᠡᠨ ᠬᠡᠪᠴᠢᠶᠡᠨᠡ ᠳᠡᠯᠭᠡᠷᠡᠭᠦᠯᠵᠦ ᠴᠢᠳᠠᠭᠰᠠᠨᠦᠭᠡᠢ᠃ ᠡᠳᠦᠭᠡ ᠰᠦᠯᠵᠢᠶᠡᠨᠳᠤ ᠭᠠᠷᠭᠠᠨ ᠨᠡᠢᠲᠡᠯᠡᠵᠦ ᠪᠠᠢᠭᠠ ᠬᠤᠶᠠᠳᠠᠭᠴᠢ ᠬᠤᠭᠤᠴᠠᠭᠠᠨᠤ ᠢᠨᠵᠸᠨ᠋ᠸᠷᠢᠩᠨᠢ ᠠᠩᠬᠠᠳᠠᠭᠴᠢ ᠬᠤᠭᠤᠴᠠᠭᠠᠨᠤ ᠢᠨᠵᠸᠨ᠋ᠸᠷᠢᠩᠤᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠰᠣᠹᠲᠤᠨ ᠴᠢᠳᠠᠪᠬᠢᠶᠢ ᠱᠢᠯᠢᠳᠡᠭᠵᠢᠭᠦᠯᠵᠦ᠂ ᠬᠡᠷᠡᠭᠯᠡᠭᠴᠢᠳᠤᠨ ᠮᠡᠳᠡᠷᠡᠮᠵᠢᠶᠢ ᠶᠡᠬᠡᠲᠡ ᠳᠡᠭᠡᠭᠱᠢᠯᠡᠭᠦᠯᠦᠭᠰᠡᠨᠶᠤᠮ᠃ ᠲᠤᠰ ᠲᠠᠪᠴᠠᠩᠳᠤ ᠤᠳᠬᠠ ᠵᠤᠬᠢᠶᠠᠯ᠂ ᠬᠡᠤᠬᠡᠳᠤᠨ ᠤᠷᠠᠨ ᠵᠤᠬᠢᠶᠠᠯ᠂ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠳᠡᠯᠭᠡᠷᠡᠭᠦᠯᠦᠯᠲᠡ᠂ ᠬᠤᠭᠤᠷᠤᠨ ᠦᠯᠢᠭᠡᠷ᠂ ᠭᠡᠰᠡᠷ᠂ ᠵᠠᠩᠭᠠᠷ᠂ ᠬᠤᠯᠪᠤᠭᠠ᠂ ᠲᠡᠤᠬᠡ ᠰᠤᠶᠤᠯ᠂ ᠢᠷᠦᠭᠡᠯ ᠮᠠᠭᠳᠠᠭᠠᠯ᠂ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠵᠠᠩᠱᠢᠯ ᠵᠡᠷᠭᠡ ᠤᠯᠠᠨ ᠠᠭᠤᠯᠭᠠᠶᠢ ᠬᠠᠮᠤᠷᠤᠭᠰᠠᠨ ᠪᠠᠢᠨᠠ᠃ ᠣᠳᠤᠬᠠᠨᠳᠤ 8 ᠲᠦᠮᠡᠨ ᠮᠢᠨᠦ᠋ᠲᠤᠨ ᠱᠢᠩᠭᠡᠭᠡᠯᠲᠡᠶᠢ ᠨᠡᠢᠲᠡᠯᠡᠭᠰᠡᠨ ᠪᠦᠭᠡᠳ ᠪᠠᠰᠠ 6 ᠲᠦᠮᠡᠨ ᠮᠢᠨᠦ᠋ᠲᠤᠨ ᠱᠢᠩᠭᠡᠭᠡᠯᠲᠡᠶᠢ ᠨᠡᠢᠲᠡᠯᠡᠬᠦᠪᠡᠷ ᠪᠡᠯᠡᠳᠬᠡᠭᠡᠳ ᠪᠠᠢᠨᠠ᠃
ᠦᠪᠦᠷ ᠮᠣᠩᠭᠤᠯᠤᠨ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠤ ᠬᠤᠷᠢᠶᠠᠨ ᠳᠠᠷᠤᠭᠠ ᠪᠠᠲᠤᠪᠠᠶᠠᠷ ᠬᠤᠷᠠᠯᠳᠤ ᠤᠷᠤᠯᠴᠠᠭᠰᠠᠨ ᠸᠠᠩ ᠶᠢᠩ ᠵᠦᠩ᠂ ᠰᠤᠶᠤᠯᠲᠦ᠂ ᠬᠣ᠌ ᠵᠢᠩ ᠵᠠᠨ᠂ ᠡᠦ ᠯᠢ ᠱᠢᠨ᠂ ᠭᠧᠨᠵᠦᠦᠷ ᠵᠡᠷᠭᠡ ᠤᠳᠤᠷᠢᠳᠤᠯᠭᠠᠲᠠᠢ ᠬᠠᠮᠲᠤ 《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩ》 ᠵᠢᠩᠭᠢᠨᠢᠪᠡᠷ ᠠᠱᠢᠭᠯᠠᠯᠲᠠᠳᠤ ᠤᠷᠤᠭᠰᠠᠨ ᠬᠦᠱᠢᠭᠡᠶᠢ ᠰᠡᠬᠦᠵᠡᠢ᠃
ᠬᠦᠱᠢᠭᠡ ᠰᠡᠬᠦᠬᠦ ᠶᠤᠰᠤᠯᠠᠯᠳᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠲᠡᠰᠤᠨ ᠬᠡᠪᠯᠡᠨ ᠲᠠᠷᠬᠠᠭᠠᠬᠤ ᠭᠠᠵᠠᠷᠤᠨ ᠳᠠᠷᠤᠭᠠ ᠸᠠᠩ ᠶᠢᠩ ᠵᠦᠩ᠂ ᠦᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠴᠦᠭᠡᠨ ᠲᠤᠭᠠᠲᠦ ᠦᠨᠳᠦᠰᠦᠲᠡᠨᠦ ᠡᠷᠲᠡᠨᠦ ᠰᠤᠳᠤᠷ ᠪᠤᠯᠤᠨ 《ᠭᠡᠰᠡᠷ》 ᠴᠤᠭᠯᠠᠭᠤᠯᠤᠨ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠡᠷᠬᠢᠯᠡᠭᠴᠢ ᠰᠤᠶᠤᠯᠲᠦ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠᠶᠢᠨ ᠨᠠᠮᠤᠨ ᠬᠤᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠲᠡᠰᠤᠨ ᠳᠡᠳ᠋ ᠳᠠᠷᠤᠭᠠ ᠬᠣ᠌ ᠵᠢᠩ ᠵᠠᠨ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠᠶᠢᠨ ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠬᠡ ᠬᠤᠷᠠᠯᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠭᠧᠨᠵᠦᠦᠷ ᠵᠢᠴᠢ ᠤᠯᠠᠭᠠᠨᠬᠠᠳᠠ ᠬᠣᠲᠠᠶᠢᠨ ᠰᠣᠶᠤᠯ ᠵᠢᠭᠤᠯᠴᠢᠯᠠᠯᠤᠨ ᠲᠤᠪᠴᠢᠶᠠ᠂ ᠤᠯᠠᠭᠠᠨᠬᠠᠳᠠᠶᠢᠨ ᠷᠠᠳᠢᠣ᠋ ᠲᠸᠯᠸᠢᠰ ᠬᠤᠷᠢᠶᠠ᠂ ᠤᠯᠠᠭᠠᠨᠬᠠᠳᠠᠶᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠬᠤᠷᠢᠶᠠ᠂ ᠤᠯᠠᠭᠠᠨᠬᠠᠳᠠᠶᠢᠨ ᠬᠣᠩ ᠱᠠᠨ ᠲᠤᠭᠤᠷᠢᠭᠤᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠤᠯᠠᠭᠠᠨᠬᠠᠳᠠ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠᠶᠢᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠᠶᠢᠨ ᠲᠤᠷᠱᠢᠯᠲᠠᠶᠢᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠤᠯᠠᠭᠠᠨᠬᠠᠳᠠ ᠬᠣᠲᠠᠶᠢᠨ ᠨᠤᠮᠤᠨ ᠰᠠᠩ᠂ ᠤᠯᠠᠭᠠᠨᠬᠠᠳᠠ ᠬᠣᠲᠠᠶᠢᠨ ᠮᠦᠽᠧᠢ᠂ ᠤᠯᠠᠭᠠᠨᠬᠠᠳᠠ ᠬᠣᠲᠠᠶᠢᠨ ᠮᠸᠩ ᠳ᠋ᠦᠩ ᠡᠭᠦᠯᠡᠨ ᠪᠤᠳᠤᠯᠲᠠᠶᠢᠨ ᠠᠵᠦ ᠦᠢᠯᠡᠰᠤᠨ ᠬᠦᠭᠵᠢᠭᠦᠯᠦᠯᠲᠡᠶᠢᠨ ᠲᠦᠪ ᠵᠡᠷᠭᠡ ᠪᠠᠢᠭᠤᠯᠭᠠ ᠨᠢᠭᠡᠴᠢᠶᠢᠨ ᠤᠳᠤᠷᠢᠳᠤᠯᠭᠠ᠂ ᠡᠯᠡ ᠵᠠᠭᠤᠴᠢᠯᠠᠭᠤᠷᠤᠨ ᠬᠢᠨ ᠪᠠ ᠲᠤᠰ ᠬᠤᠷᠢᠶᠠᠨᠤ ᠬᠡᠰᠡᠭ ᠨᠠᠢᠷᠠᠭᠤᠯᠤᠭᠴᠢ ᠣᠷᠤᠯᠴᠠᠭᠰᠠᠨ ᠪᠠᠢᠨᠠ᠃
ᠶᠤᠰᠤᠯᠠᠯ ᠳᠡᠭᠡᠷᠡ᠂ ᠣᠯᠠᠭᠠᠨᠬᠠᠳᠠᠶᠢᠨ ᠡᠳᠦᠷᠤᠨ ᠰᠣᠨᠢᠨᠤ ᠬᠤᠷᠢᠶᠠᠲᠠᠢ ᠬᠠᠮᠲᠤᠷᠠᠨ ᠡᠷᠬᠢᠯᠡᠭᠰᠡᠨ 《ᠬᠥᠬᠡ ᠲᠠᠯᠠ》 ᠬᠡᠦᠬᠡᠳ ᠪᠠᠭᠠᠴᠤᠳᠤᠨ ᠤᠷᠠᠨ ᠲᠤᠳᠦ ᠤᠩᠱᠢᠯᠭᠠᠶᠢᠨ ᠤᠷᠤᠯᠳᠤᠭᠠᠨᠢᠶᠠᠷ ᠱᠢᠯᠭᠠᠷᠠᠭᠰᠠᠨ ᠪᠦᠲᠦᠭᠡᠯᠳᠤ ᠱᠠᠩᠨᠠᠯ ᠤᠯᠭᠤᠬᠤ ᠶᠤᠰᠤᠯᠠᠯ ᠶᠠᠪᠤᠭᠳᠠᠵᠤ᠂ ᠣᠷᠤᠯᠳᠤᠭᠠᠨᠤ ᠨᠢᠭᠡᠳᠦᠭᠡᠷ᠂ ᠬᠤᠶᠠᠳᠤᠭᠠᠷ᠂ ᠭᠤᠷᠪᠠᠳᠤᠭᠠᠷ ᠳᠡᠰᠲᠦ ᠱᠢᠯᠭᠠᠷᠠᠭᠰᠠᠳᠲᠤ ᠱᠠᠩᠨᠠᠯᠤᠨ ᠦᠨᠡᠮᠯᠡᠯ ᠭᠠᠷᠳᠠᠭᠤᠯᠵᠤ᠂ ᠲᠣᠰ ᠬᠤᠷᠢᠶᠠᠨᠠᠴᠠ ᠬᠡᠪᠯᠡᠭᠦᠯᠦᠭᠰᠡᠨ ᠨᠤᠮ ᠳᠡᠪᠲᠡᠷ ᠱᠠᠩᠨᠠᠭᠰᠠᠨ ᠪᠦᠭᠡᠳ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠴᠠᠭᠰᠠᠳᠲᠤ 《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ》ᠤᠨ ᠨᠢᠭᠡ ᠵᠢᠯ ᠲᠦᠯᠦᠪᠦᠷᠢᠦᠭᠡᠢ ᠰᠣᠨᠤᠰᠭᠤ ᠡᠷᠬᠡ ᠣᠯᠭᠤᠵᠠᠢ᠃
ᠶᠤᠰᠤᠯᠠᠯᠳᠤ ᠪᠠᠰᠠ 《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩ》ᠤᠨ ᠡᠬᠢ ᠪᠠᠶᠠᠯᠢᠭ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠭᠡᠷᠡ ᠪᠠᠢᠭᠤᠯᠬᠤ ᠶᠤᠰᠤᠯᠠᠯ ᠶᠠᠪᠤᠭᠳᠠᠭᠰᠠᠨ ᠪᠦᠭᠡᠳ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠲᠦᠯᠦᠭᠡᠯᠡᠭᠴᠢ᠂ ᠰᠣᠨᠤᠰᠳᠠᠭ ᠨᠣᠮ ᠱᠢᠩᠭᠡᠭᠡᠭᠴᠢᠶᠢᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠤᠨ ᠭᠡᠰᠡᠷ ᠬᠠᠢᠯᠠᠭᠴᠢᠳ ᠭᠣᠢᠲᠠ ᠰᠠᠢᠬᠠᠨ ᠲᠤᠭᠯᠠᠯᠲᠠᠪᠠᠷᠢᠶᠠᠨ ᠤᠯᠠᠨᠤ ᠬᠠᠷᠠᠭᠠ ᠰᠤᠨᠤᠷᠢ ᠮᠢᠯᠢᠶᠠᠭᠰᠠᠨ ᠪᠠᠢᠨᠠ᠃
《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩ》ᠤᠨ ᠬᠦᠱᠢᠭᠡ ᠰᠡᠬᠦᠬᠦ ᠶᠤᠰᠤᠯᠠᠯ ᠠᠮᠵᠢᠯᠳᠡ ᠲᠡᠭᠦᠯᠳᠡᠷ ᠶᠠᠪᠤᠭᠳᠠᠵᠤ᠂ 《ᠬᠥᠬᠡ ᠲᠠᠯᠠ·ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩ》 ᠮᠤᠩᠭᠤᠯ ᠲᠦᠮᠡᠨᠲᠠᠢᠪᠠᠨ ᠵᠤᠯᠭᠠᠯᠠ᠃ ᠲᠤᠰ ᠲᠠᠪᠴᠠᠩ ᠤᠨ ᠡᠰᠡᠨᠢᠨ ᠮᠡᠨᠳᠦᠯᠡᠭᠰᠡᠨᠨᠢ ᠥᠷᠭᠡᠨ ᠤᠯᠠᠨ ᠮᠠᠯᠴᠢᠨ ᠲᠦᠮᠡᠨᠤ ᠰᠣᠶᠤᠯᠤᠨ ᠠᠮᠢᠳᠤᠷᠠᠯᠤᠨ ᠪᠤᠲᠠᠲᠤ ᠬᠡᠷᠡᠭᠴᠡᠭᠡᠶᠢ ᠬᠠᠩᠭᠠᠬᠤᠪᠡᠷ ᠦᠯᠦ ᠪᠠᠷᠠᠮ ᠮᠣᠩᠭᠤᠯ ᠬᠡᠪᠯᠡᠯᠤᠨ ᠡᠲᠡᠭᠡᠳᠤᠨ ᠬᠢᠨᠳᠤ ᠰᠣᠨᠤᠰᠳᠠᠭ ᠨᠣᠮ ᠳᠠᠪᠴᠠᠩ ᠬᠠᠷᠠᠬᠠᠨ ᠪᠠᠢᠭᠰᠠᠨᠦᠭᠡᠢ ᠲᠡᠦᠬᠡᠶᠢᠴᠤ ᠡᠴᠦᠰᠯᠡᠭᠦᠯᠦᠭᠰᠡᠨᠢᠶᠠᠷᠢᠶᠠᠨ ᠮᠣᠩᠭᠤᠯ ᠰᠣᠨᠤᠰᠳᠠᠭ ᠨᠣᠮ ᠲᠠᠪᠴᠠᠩᠤᠳᠤᠨ ᠡᠷᠡᠭᠦᠯᠢᠶᠠᠷ ᠬᠥᠭᠵᠢᠨ ᠪᠤᠵᠠᠭᠠᠢᠷᠠᠬᠤᠳᠤ ᠦᠯᠢᠭᠡᠷ ᠵᠢᠱ᠌ᠢᠶᠡ ᠪᠣᠯᠬᠤᠨᠢ ᠯᠠᠪᠲᠠᠢ᠃ ᠲᠤᠰ ᠲᠠᠪᠴᠠᠩᠤᠨ ᠨᠡᠢᠲᠡᠯᠡᠨ ᠰᠠᠴᠤᠭᠰᠠᠨ ᠳᠤᠮᠳᠠᠳᠤᠶᠢᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠤᠯ ᠪᠠ ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠱᠢᠯᠢᠳᠡᠭ ᠰᠣᠶᠤᠯᠨᠢ ᠳᠤᠮᠳᠠᠳᠤᠶᠢᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠤᠯᠢ ᠪᠠᠳᠠᠷᠠᠭᠤᠯᠵᠤ ᠮᠠᠨᠳᠤᠭᠤᠯᠬᠤ᠂ ᠦᠨᠳᠦᠰᠦᠲᠡᠨᠤ ᠵᠣᠷᠢᠭ ᠰᠠᠨᠠᠭᠠᠶᠢ ᠤᠷᠮᠠᠱᠢᠭᠤᠯᠤᠨ ᠬᠥᠭᠵᠢᠭᠡᠬᠦ᠂ ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠠᠯᠢ ᠬᠦᠭᠵᠢᠭᠦᠯᠵᠦ ᠠᠬᠢᠭᠤᠯᠬᠤ᠂ ᠱᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠬᠥᠭᠵᠢᠯᠲᠡᠶᠢ ᠡᠷᠡᠰ ᠪᠠᠷᠢᠮᠲᠠᠯᠠᠬᠤ ᠵᠢᠴᠢ ᠱᠢᠨᠡ ᠵᠠᠭᠤᠨᠤ ᠱᠢᠨᠡ ᠱᠠᠲᠤᠨᠳᠠᠬᠢ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠱᠢᠯᠲᠠᠶᠢ ᠠᠬᠢᠭᠤᠯᠬᠤ ᠦᠢᠯᠡᠰᠤᠨ ᠱᠢᠨᠡ ᠪᠠᠢᠳᠠᠯᠢ ᠡᠭᠦᠳᠦᠨ ᠨᠡᠭᠡᠭᠡᠬᠦ ᠪᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨᠤ ᠨᠡᠢᠭᠡᠮ ᠠᠵᠤ ᠠᠬᠤᠢᠶᠢᠨ ᠨᠡᠩ ᠰᠠᠢᠨ ᠨᠡᠩ ᠲᠦᠷᠭᠡᠨ ᠬᠥᠭᠵᠢᠯᠲᠡᠶᠢ ᠠᠬᠢᠭᠤᠯᠬᠤᠳᠤ ᠬᠦᠨᠳᠦ ᠴᠢᠬᠤᠯᠠ ᠠᠴᠢ ᠬᠣᠯᠪᠤᠭᠳᠠᠯᠲᠠᠢᠶᠤᠮ᠃ ᠡᠭᠦᠨᠡᠴᠡ ᠬᠤᠢᠱᠢ᠂ ᠲᠣᠰ ᠬᠤᠷᠢᠶᠠ ᠰᠤᠨᠤᠰᠳᠠᠭ ᠨᠤᠮ ᠲᠠᠪᠴᠠᠩᠢᠶᠠᠷᠢᠶᠠᠨ ᠦᠷᠬᠦᠯᠵᠢᠯᠡᠨ ᠰᠣᠳᠤᠨ ᠪᠦᠲᠦᠭᠡᠯ ᠳᠠᠮᠵᠢᠭᠤᠯᠵᠤ᠂ ᠮᠤᠩᠭᠤᠯ ᠨᠣᠮ ᠬᠡᠪᠯᠡᠯᠤᠨ ᠳ᠋ᠢᠭᠢᠲ ᠬᠡᠪᠯᠡᠯ ᠵᠦᠭᠤᠨ ᠱᠢᠯᠵᠢᠯᠲᠡ ᠪᠠ ᠦᠭᠡᠳᠡᠯᠡᠨ ᠮᠠᠨᠳᠤᠬᠤᠳᠤ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦᠪᠠᠷ ᠮᠡᠷᠡᠢᠨ ᠴᠢᠷᠮᠠᠢᠵᠤ ᠪᠠᠢᠨᠠ᠃
ᠨᠠᠢᠷᠠᠭᠤᠯᠤᠭᠴᠢ᠄ ᠳ᠋ᠠᠢ ᠴᠦᠨ ᠱᠢᠶᠠ
